網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年1月11日 星期五

周勵淇(前名:周麗淇):婚後孖老公住香港 周勵淇冇諗雪卵生B __,周勵淇,周麗淇,

舊年榮升人妻嘅Niki戴住鑽戒現身,容光煥發~藝人周勵淇(Niki)去年12月宣布已跟內地演員傅浤鳴完婚,傅浤鳴於2017年3月才離婚,6月即被拍得跟 ...


舊年榮升人妻嘅Niki戴住鑽戒現身,容光煥發~


藝人周勵淇(Niki)去年12月宣布已跟內地演員傅浤鳴完婚,傅浤鳴於2017年3月才離婚,6月即被拍得跟Niki相聚,因此有傳Niki是小三及奉子成婚。今日Niki左手戴上鑽戒,以白色斜肩裙出席護膚品牌活動,受訪期間對傳聞一一否認。問她會否在港補擺喜酒?Niki表示不會,因為不想大搞,故才選擇旅行結婚,而問到在哪結婚?她神秘地說:「海外,我想保持低調,由入行到依家都係,唔會特別去講,想有番私人空間。(係咪有咗?)冇,你睇我個肚。(傳你奉子成婚?)係大家揣測,我話畀大家知唔係。幾時有唔知,順其自然,但暫時唔會生住。(因為對方已經有個八歲仔?)唔關事,因為我想享受二人世界。」

講到今年39歲的Niki如果生B便是高齡產婦,她表示明白時間及年齡都是限制,但不會因為這些限制而急住生B。而談及會否雪卵時,她表示不需要,只要調理好身體。問到有關男方囝囝的問題時,Niki指不便透露太多,以免影響到小朋友,亦表示不介意擁有繼母身份。

強調並非第三者

Niki透露會以香港為基地居住,加上老公在港也有不少朋友,問老公改名結婚是否為免被起底?她否認:「唔係,其實改咗一段時間,因為公布結婚所以公布埋。」問到兩人拍拖多久時,Niki稱由拍拖到結婚只是一年內的事,她強調自己並非第三者。問有冇因為被指是第三者而不快?她表示:「唔多唔少都有,我拍拖唔會講,結咗婚先同大家分享。(老公有冇為你抱不平?)有,男人未必適應到,佢想幫我澄清,我叫佢唔使咁勞氣。(網友話你老公係渣男,你使唔使為佢抱不平?)好難控制,講都冇用。有好多唔好嘅聲音,呢個預咗,冇所謂。(婚前有冇為傳聞而擔心?)佢係結過婚、有小朋友,我好多朋友同家人都知,不過有啲朋友唔知就好surprise。我好低調,所以先唔擺酒,但之後會分批請朋友食飯。(咁快結婚了解清楚未?)快慢好難衡量,大家舒服就結婚。(老公邊方面吸引你?)我鍾意就得,大家夾囉,舒服就ok。」


來源 source: http://hk.on.cc
鍾意就快D Share啦!


Related Posts Plugin for WordPress, Blogger...