網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年4月20日 星期六

許志安黃心穎偷食:C1:蘇永康撐安仔變受靶與網民駁火 __,安仔,蘇永康,許志安,郭晉安,黃心穎,

偷食禍及親友。許志安與黃心穎偷食醜聞搞到滿城風雨,雖然安仔獲老婆原諒,心穎也得馬國明維護,但兩人似被認定是十惡不赦的罪人,不論親人或好友稍作反應,都會 ...


偷食禍及親友。


許志安與黃心穎偷食醜聞搞到滿城風雨,雖然安仔獲老婆原諒,心穎也得馬國明維護,但兩人似被認定是十惡不赦的罪人,不論親人或好友稍作反應,都會觸動網民神經,遭受連串攻擊甚至辱罵、詛咒,蘇永康就因為畀個「心」表態,遭網民翻舊帳圍攻,他不甘示弱即刻還拖,與網民展開連環罵戰。

許志安背妻與「姣精」黃心穎在車廂鬼混,震驚全城,兩人一夜間形象盡毀,道德品格徹底破產,搞到人人得而誅之!兩人又佗衰家,心穎連累無綫要抽劇、抽歌,而安仔就停工連9月演唱會也告吹,最慘是禍及親人及圈中好友,一個Like一個留言都觸動網民神經,換來轟炸式洗版狂插,包括黃心美、黃心妙、DJ森美、「大肚婆」單文柔、主持黎國輝(阿感),蘇永康更被撻着與網民「駁火」,甚至因為貌似安仔及心穎的杜德偉及蔡一智都無辜「中槍」,遭受網民連環狙擊。

反擊「花生友」:因住骾親呀!

蘇永康因看到鄭秀文發文表態原諒安仔,畀「心」以示支持,怎料即成網民攻擊對象,翻炒他過往有不良嗜好,又指他「結完又離離完又結不知所謂」、「不喜歡別人評論,可以不做公眾人物」、「你都識講人哋嘅事唔關你事,咁你走出嚟多嘴做乜呀?蘇永康?who?」激得他逐一還擊,指「呢啲只係我與我太太嘅事用不着妳多嘴,妳咪噏囉」、「妳有妳生活我有我忙碌……祝您青春常駐,合家身體健康……講完!」有網友寸爆留言:「大家傾得咁開心,你又可以繼續凸顯你嘅賤格精神,我哋又繼續食花生,多謝你都嚟唔切添。」康仔完全不客氣回一句:「咁食花生因住骾親呀……你返去點燈啦。」

昨日康仔出席音樂見面會,忙於為6月演唱會準備的他已減18磅,還要多減10磅,稍後要到廣州與中樂團綵排。談到與網民的罵戰,他說:「佢哋都叫雨過天青咗!馬國明講得啱,需要講嘢嘅人都講咗,我哋呢啲塘邊鶴都係畀個Emoji。」昨日他收到很多留言,有支持也有另一邊言論,建議趁復活節,把這些事抹去重新開始。問到可有聯絡安仔?他說:「太清楚佢性格,係需要時間,但每日都有聯絡住佢身邊助手,Sammi就覆咗我哋,佢OK,大家可以放心。」

森美連衰兩鑊捱轟

另外,森美與心穎曾合作節目《森美旅行團》,他因為Like了心穎道歉Post,結果遭網友洗版式留言喪鬧,他說:「因為佢做錯嘢就應該要出嚟道歉,我覺得係一件啱嘅事,就係咁咋!對於有人會有好多唔同嘅推斷,我又理解,因為佢哋極度傷痛,我完全明白佢哋嘅誤會,但我都希望佢哋明白」他不擔心觀眾罷睇其節目:「我冇喺佢嘅社交網裏面同佢哋對答,或者解釋個原因,我真係明白佢哋嗰種痛心,都唔想講多錯多,以免佢哋誤會,透過你哋話番畀佢哋聽,我講清楚點解我會Like,希望佢哋明白!」而他昨晨在電台節目播放安仔一首舊歌《你的男人》,結果惹來不滿的聽眾質問。他解釋是上星期聽眾揀選的歌曲,由於每星期五都有這個重播節錄環節,幕後同事上星期已經剪輯好內容:「所以播完咗我都即刻喺個節目講番,以免太敏感。(有冇下令唔播安仔嘅歌?)我哋又唔會特別避忌,需要咪播囉。」

至於「卸貨」在即的單文柔同樣因為Like心穎的Post,惹來網民咒罵:「人Like你Like,直接向Sammi灑鹽!」又有人指她作為妻子表態支持心穎,對她非常失望。而心穎姐姐黃心妙的社交網,亦有人留言:「公開向Sammi道歉」、「叫你啲女唔好學阿姨……身教好重要」。

暗交兩年傳老婆曾突擊

不少網民對黃心穎與許志安搭上經過大感好奇,紛紛四出「搜證」,其中翻查社交網,見二人近期幾乎每個月都見面,上月亦曾相約到九龍城一間菜館飯敍,並分別與菜館職員合照。另外,更有眼利網民發現原來他們早於2017年已「有來往」孖住出席友人飯局,心穎更以「Brothers」稱呼對方,估計已暗交兩年!

而據說鄭秀文早前已聞到味,過往不曾去安仔健身的地方,但有次突然去同老公一齊做運動,目的就是示警,讓心穎有所警惕,無奈事情還是發生致一發不可收拾。

更多新聞,請瀏覽東方日報網頁:

https://orientaldaily.on.cc/




來源 source: http://hk.on.cc
鍾意就快D Share啦!


Related Posts Plugin for WordPress, Blogger...