網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2019年7月15日 星期一

蔡少芬:大住肚水中打牌 蔡少芬同張晉父母聯誼 __,張晉,蔡少芬,

趁個肚未喺好大,要把握機會出去行吓。早前宣布懷有第三胎嘅藝人蔡少芬,趁住個肚未大到行動不便,同埋張晉及兩個女,返咗老公嘅家鄉重慶探親,返得鄉下梗係要去 ...


趁個肚未喺好大,要把握機會出去行吓。


早前宣布懷有第三胎嘅藝人蔡少芬,趁住個肚未大到行動不便,同埋張晉及兩個女,返咗老公嘅家鄉重慶探親,返得鄉下梗係要去有特色嘅地方,今次佢哋選擇去市郊嘅偏岩古鎮,同行仲有張晉父母。

為咗避免畀人圍觀,蔡少芬同張晉都戴住口罩,正值暑假時節遊人比較多,張晉全程保鏢上身貼身保護老婆,不時用手拍一拍老婆背脊示意佢小心之外,仲同時睇實兩個可愛囡囡防止走失,真係一眼關七身手差啲都搞唔掂。

囡囡有得玩自然最開心,肚凸凸嘅蔡少芬只係陪佢哋喺街邊檔買玩具玩,喺小河流入面坐船仔咁辛苦嘅重任就交咗畀爺爺,見爺爺拉住船仔沿河走,兩個小朋友坐喺船上邊開心到拍晒手掌,玩咗一大輪走人時,囡囡仲望住條河好似唔捨得走。

而偏岩古鎮一個出名嘅地方就係擔啲枱櫈坐喺條河上面,浸住對腳一邊打牌,既消暑又可以聯誼感情,蔡少芬對呢種玩法好有興趣,坐埋一齊不停詢問點樣玩法!而張晉就未有參與,只係負責企喺外圍望住一家人,仲攞住專業影幫老婆影低最靚嘅一面,真係恩愛到暈!

---------------

立即參加「賞您睇」: http://bit.ly/2JWKULh

Click下面粒掣,儲on.cc coins!機票、家電、超市禮券、過萬份獎品等緊你。




來源 source: http://hk.on.cc
鍾意就快D Share啦!


Related Posts Plugin for WordPress, Blogger...