冧掂女友全家 祖兒偷運師兄返閨 師兄,劉浩龍,MF,

上週三（ 20日），祖兒禦用化妝師 Arris同師兄劉浩龍經理人 Donny喺 W酒店擺酒，祖兒同師兄雖然負責做姊妹兄弟，但 FBI所見， 2人不斷左閃右避，散場後，仲玩前後腳，師兄先走，祖兒跟尾，不過最終目的地咪又係一樣！

FBI

冧掂女友全家　祖兒偷運師兄返閨

容祖兒同師兄劉浩龍，雖然由好友變密友已經年半，但一直低調處理感情事，就算出街拍拖都左閃右避。

不過，上週三（ 20日）咁啱係祖兒禦用化妝師 Arris Law同師兄經理人 Donny Yu（虞天洛）喺九龍 W酒店擺喜酒，聽講祖兒一早請假做 Arris姊妹；而師兄就負責做 Donny兄弟，本來可以乘機搵藉口走埋一齊拍拖，但嗰晚原來同 Arris係死黨嘅何韻詩亦有去飲。為免尷尬，祖兒同師兄都好避忌，個個嘉賓都由酒店正門入場，但佢哋兩個就由秘密通道走入場，唔敢咁張揚。

直至淩晨 12點散場，祖兒同師兄一樣好有戒心。 FBI見佢哋等到各賓客走曬，師兄先離開酒店會場探路，之後祖兒跟尾，然後二人前後腳衝上祖兒嘅保母車，車內仲有祖兒細佬同媽咪，不過祖兒同師兄唔係分別返歸，保母車竟載住 4人直剷去祖兒跑馬地松柏新邨香閨。 FBI等咗差唔多 3個鐘都唔見師兄離開，睇嚟師兄都已經贏盡祖兒媽歡心，做埋祖兒家男主人喇！

師兄同祖兒留到差唔多淩晨，以為冇曬記者，點知被 FBI撞到正，於是師兄急急腳走上祖兒嘅保母車，同祖兒弟齊齊坐後排。

尾隨師兄嘅祖兒，為免被影到同師兄嘅合照，上車後一直坐喺前排，師兄就縮到去後排影都唔見；而祖兒媽同祖兒弟亦有去飲，一行 4人齊齊返祖兒屋企，好似一家人咁溫馨。

祖兒車師兄返咗自己屋企， FBI等咗 3個鐘都唔見師兄離開。

當透明

嗰晚其實祖兒嘅前緋聞女友何韻詩亦有去飲，但一直黐住盧凱彤出入，搵師妹做擋箭牌。

鍾意就快D Share啦！

下一篇 》