家有惡事 爆老豆打朱茵 村民證 Paul父：麻煩又勞氣 朱茵,MF,

Paul和朱茵婚後已遷出大埔村屋，據知朱茵就是因為回大埔探望老爺而遭人痛打，終令阿 Paul火起。《蘋果日報》圖片

真面目

家有惡事　爆老豆打朱茵　村民證 Paul父：麻煩又勞氣

49歲黃貫中一向好火，估唔到今次茅頭竟直指老父。

事緣上週五（ 22日）， Paul在微博出文暗示愛妻朱茵遭老父家暴，更稱「我會手刃你」，而 Paul父同村鄰居更力證：「佢份人都係麻煩！」， Paul為妻兒怒火中燒睇嚟非一日之寒！

黃貫中上週五（ 22日）忽然在微博上載一篇「手刃父親」文章，自爆老父涉曾用刀砍母親，又稱「若你想再打我老母、我老婆，我怕自己會做自己的殺父仇人！」言論引來嘩然。

上週五（ 22日）， Paul在微博發出「殺父」文章，直言：「我怕自己會變自己的殺父仇人。」

02年 Paul父母曾一齊結伴睇 Paul有份演出的 Beyond演唱會，當時冇人知 Paul母曾遭家暴。

朱茵返村屋「出事」

據知 Paul和朱茵婚前一直跟老父在大埔村屋舊居同住，其後 Paul跟朱茵結婚兼生仔後才搬走，有指 Paul今次咁火，全因最近朱茵回大埔村屋照顧老爺時，有人涉嫌對朱茵動粗，事件令身在美國洛杉磯的 Paul火上腦！

Paul在微博自稱身體內有一半「垃圾基因」，本刊上週六（ 23日）曾到 Paul的大埔村屋找他父親，但屋內外傭只說：「佢唔喺度呀！唔知佢幾時返！」而有附近村民則稱 Paul父確係躁底，「佢份人都係麻煩㗎啦，都係勞氣嗰啲人！不過唔想講太多啦！」至於 Paul發文微博後則一直潛水，有指他已秘密返港，但至週一（ 25日）仍未有回應！而兄弟家強則透過經理人稱「冇回應」。

Paul跟朱茵在婚前一直跟父親同住在大埔村屋，有村民則稱 Paul父「份人都係麻煩」；另一村民則稱很少見 Paul父。

朱茵和阿 Paul去年 7月誕下愛女黃鶯，但做咗阿爸嘅 Paul仍未收火。

上週 Paul和細佬黃貫其身在美國 L.A.公幹，順道參觀結他廠時， Paul表現興奮。網上圖片

怒火中年

黃貫中好火但好多時都係無理取鬧，係人都怕咗佢！

嚇記者

圖片

去年 7月，當時有報道指 Paul的個人演唱會入座率只得 7成，在慶功宴上忽然炮轟記者，事後又在微博說：「×爆你呀，咪俾我見到你呀！」

兇傳媒

去年 4月有記者問 Paul和朱茵未婚懷孕疑似犯禁時， Paul激動地指著記者：「叫你老總自己嚟問我，你邊間㗎？」

鍾意就快D Share啦！

下一篇 》