霸道 TVB補鑊 公投益「四大」 TVB,MF,

上週六（ 23日），祖兒出席麥當勞活動時，就《勁歌》搞普選一事同 FBI講好支持全民公投，但因要做演唱會，所以下月 21日嘅《勁歌》活動就唔會到。

FBI

霸道 TVB補鑊　公投益「四大」

今年 TVB搞直選搞上癮，繼港姐及視帝、視後之後，連《勁歌金曲》都話玩全民投票。 FBI收到風， TVB將會喺下月 21日搞個 5小時嘅《勁歌》活動，搵班歌手輪住唱今年 50首候選歌，安排喺 J2台直播。 FBI了解過，原來呢個活動仲有一個重任，就係宣布後年 2015年《勁歌》總選新賽制（冇寫錯，係 2015呀），就係玩全民投票，而且仲會受埋四大唱片公司嘅歌手一齊爭「金曲金獎」同「最佳男女歌手」獎。最近 TVB連環辣㷫港人，睇嚟今次搞普選，似係順應民意補鑊。

就《勁歌》搞普選，上週六（ 23日）攞咗多年嚟勁歌女歌手嘅祖兒同 FBI講：「我係支持全民公投，但我唔會去囉，因為我要做演唱會。」而祖兒好友阿 Sa話：「不嬲支持直選，但唔想坐 5個鐘咁耐，時間許可咪去囉。」新賽制似乎唔受英皇歌手歡迎，梗係啦，受「四大」玩，咪分薄曬英皇票？

據知近排因 TVB要捧「星夢幫」，令英皇旗下歌手失寵，因而群起杯葛；而英皇愛將阿 Sa對於下月 21日嘅《勁歌》活動就冇乜興趣：「睇嚇有冇工作，如果時間許可咪去囉！」

近年 TVB因與四大唱片公司就版稅問題反枱，所以大獎大多落入英皇歌手手上。但如果搞全民投票，四大唱片公司又有份玩，肯定分薄票源，對英皇點都有啲影響。圖片

鍾意就快D Share啦！

下一篇 》