【短片】【凌晨爆大鑊】被爆做小三奪人夫 黃宇詩：佢單身先一齊
2014-08-28 23:30:00
放下藝人枷鎖、轉戰賣Bra的黃宇詩，雖然為事業努力衝刺，但原來感情方面亦有着落，今日有報道指黃宇詩與名叫彭慶餘(Peter)的猛男出雙入對，被目睹多次管接送兼返歸過夜，雖然爸爸黃霑和媽媽華娃當年因為林燕妮介入的而離婚，想不到今次黃宇詩做小三奪人夫。
事實上早在2011年，二人被本報拍下曾結伴買餸煮飯仔，當時黃宇詩獲悉對方的身份後，曾公開表示為免誤會而斷絕關係，事隔數年被斷正。報道指黃宇詩解釋兩人已有一段時間沒有聯絡，只不過再遇見，知道對方單身才再開始，其後她亦在fb公開與男友拍拖兩年，清楚寫明彭姓男友結過婚兼有三名子女，不過強調對方是單身才一起。但有知情人士稱，兩年前其彭姓男友仍未離婚，不時在fb上載溫馨家庭照，所以黃宇詩被指係介入才導致男友離婚的第三者。日前黃宇詩與男友被目睹現身圓方，當時兩人往戲院睇戲，但未有親密舉動。
黃宇詩在電話中被問到此事，她說：「坦白講唔開心一定有，我唔想comment知情人士講嘅嘢，識我嘅人知道我係乜嘢人，佢係單身我哋先一齊，身邊好多朋友都知道，不過我都預咗有呢一日，人哋點睇理唔到。」她又說：「我擔心屋企人唔知點handle，不過媽咪都知道呢件事。」至於男友方面，黃宇詩說：「佢最擔心係自己三個小朋友，我係藝人冇辦法，但希望呢件事唔好影響佢哋！」
11年黃宇詩已被拍得與Peter買嘢煮飯仔。
上月兩人都圓方睇戲
|
鍾意就快D Share啦！
|
|
|
