[忽然1周 996] 林峯掛住拍拖又甩底 林峯,MW,

無約一身輕嘅林峯，對「遺作」《使徒行者》闊佬懶理，同千語 BB遊埠 happy去也。

媽咪姐

林峯掛住拍拖又甩底

林峯離開大台，暫時未知邊一方有損失，不過佢套「遺作」《使徒行者》就因為咁而可以打尖出街。

《牛頭愛搭馬嘴》都算多波折，先係男主角歐陽震華辭演，而李思捷則由男二變為男一，原本安排播出又俾《使》劇打尖，認真無奈。

得悉劇集播出有期，有份主演嘅胡渭康仲開心發微博，可惜依家……噢，失望鳥。

事實係咁嘅，媽咪姐收到風，原本播《使》劇呢個期係播另一套劇《牛頭愛搭馬嘴》，而且大台內部亦出晒通告兼通知晒有份拍嘅藝人返去做後期配音。點知因為峯哥離巢，《使》劇監製文偉鴻為免套劇變倉底，於是出盡九牛二虎之力「打尖」出街，事前峯哥仲拍晒心口話會去足宣傳㗎！

點知直至依家做咗 3次宣傳，峯哥只係出現過第一次，就同千語 BB出埠了。搞到連拍檔阿佘都忍唔住開口寸佢：「我知佢唔喺香港，但唔知佢去咗邊喎！」明知要宣傳都去旅行，林公子唔係咁 pro喎！

鍾意就快D Share啦！

下一篇 》