拍咗 15分鐘就因為太大雨而要暫停拍攝。陳豪一度黑面發洩，一反以往「 nice Mo」嘅性格。有圖有真相，佢上年同法拉拍劇笑得幾 high！
媽咪姐
嘩！陳豪黑面呀！
陳豪（ Moses）同陳茵媺（ Aimee）喺圈中出晒名係甜到漏油嘅一 pair，但早排爆出 Aimee有「媽媽手」，痛足半年，壓力爆煲，仲同阿 Mo為咗追唔追多個而搞到冷戰㖭！
早幾日，媽咪姐就喺旺角撞到陳豪同朱璇拍緊劇，諗住上前打個招呼啦，點知愈望愈唔對路，平時出晒名嘅「友善 Mo」塊面居然仲黑過鑊撈，同朱璇全程零交流不特止，一嗌 cut就即刻彈開幾呎。
其間朱璇見佢行過好 nice同佢 say hi，點知「黑面 Mo」竟然直行直過，搞到人哋一個女仔鬼咁尷尬放番低隻手。嗯，睇嚟做爸爸嘅壓力真係大，放鬆啲阿 Mo，仲有漫漫長路。
唔騷朱璇
一個眈天，一個望地，鏡頭外全程零交流。朱璇不停郁嚟郁去想博 Mo哥注意，可惜人哋個心一早飛咗去 Mo仔度咯！
|
鍾意就快D Share啦！
|
|
|
