全城熱爆的娛樂八封新聞 & 時事趣聞 & 生活 + 趣聞
胡定欣喺中環食完餃子出嚟，好醒目咁四圍望。
胡定欣啱啱開始放假，會放到 10月尾，換轉其他人唔係返大陸搵人仔，就飛去外國嘆吓食吓叉吓電，但佢竟然一直留喺香港，出門都只係去中環 hea吓。
前幾日，媽咪姐又見染咗一頭金毛嘅胡定欣一個人遊中環。佢先去食一個 lunch，跟住就行咗幾個圈，不過唔見佢睇衫揀手袋或者試鞋，之後行去停車場攞車返歸。雖然男朋友沈柏淳（圓圖）唔喺身邊，胡定欣一個人自由行又有另一番樂趣喎。
染到一頭金毛嘅胡定欣，全程都只係 window shopping，亦無乜人認得。
