掃呢頁CODE去手機

2014年8月29日 星期五

[忽然1周 996] 陳嘉佳食咗先講 陳嘉佳,細細粒,MW,




細細粒同老友劉思希約埋睇大結局,餐廳老闆娘加料送咗十隻黃油蟹俾佢。

媽咪姐

陳嘉佳食咗先講

上星期五( 22日)晚,大台嗰套《忠奸人》大結局,有份做嘅細細粒(陳嘉佳)當晚竟然冇留喺屋企睇,反而去咗佢代言嗰間日滿屋幫手做侍應,呢個生招牌,真係抵用夾大件!

當晚 7點半細細粒就出現,咪以為佢嚟到就會換制服開工,錯晒!佢一到場,除咗同班食客打招呼,跟住就好熟路去飲品櫃拎汽水,然後就叫師傅切魚生,睇佢兩三下手勢就搞掂一盤刺身,食埋手卷,但係似乎唔夠喉,要再 encore!打咗底之後,呢位重量級侍應就一手拎住罐可樂,一手拎住盤刺身傳菜。不過行唔夠幾轉,佢就俾班食客捉住合照,做人肉布景板。直到老友劉思希出現,同佢食第 2輪,佢先至有得休息。細細粒呢一餐,真係要食多啲,補充體力喇!

人肉生招牌

唔少食客認得細細粒,爭住同佢合照。

去到餐廳,細細粒就自己招呼自己,去汽水櫃拎嘢飲。

跟住就埋刺身櫃,揀嘢食。個樣睇嚟好肚餓㖭!

醫飽肚,係時候開工傳菜喇!

細細粒上周六( 23日)去咗泰國玩,一落機梗係又出發搵食

上年講緊要跑步減 80磅變索女嘅細細粒,依家唔只冇減,仲好似圓潤咗!



鍾意就快D Share啦!