[忽然1周 996] 陳建州唔認「房東」被圍插 陳建州,房祖名,柯震東,房東,MW,

陳建州同范瑋琪結咗婚 3年幾，終於宣布有喜，而且係「雙響炮」。可惜日前夫婦二人對傳媒撇清跟「房東」關係，而俾人寸爆。

出外埠

陳建州唔認「房東」被圍插

「黑人」陳建州同老婆范瑋琪啱啱宣布有喜，仲要係雙胞胎㖭，媽咪姐循例都要恭喜一聲嘅﹗

不過一向有鋪「靠黐癮」嘅「黑人」，最近為咗「房東」事件而俾台灣傳媒挖番佢專向「紅人」扮老友嘅瘀事出嚟，仲封佢為「裝熟魔人」。此話何解？嗱，呢句嘢喺我哋香港人口中呢，即係「菠蘿雞」——邊度有着數就黐咁解囉﹗

眾所周知，佢同「房東孖寶」喺台灣時都係蒲友一族，如今「孖寶」齊齊瀨嘢，呢位「魔人」即刻劃清界線，話同佢哋唔熟喎﹗唉，有着數時係兄弟、有禍時就連朋友都唔係。世態炎涼啊﹗

其實陳建州跟房祖名早喺幾年前已好到稱兄道弟，齊齊睇籃球賽，其間陳建州仲跟房祖名玩自拍㗎。

2012年林書豪令全球、尤其台灣球迷陷入瘋狂，陳建州除不時力讚林書豪外，仲以「林書豪好朋友」身份接受訪問，即俾網友揶揄佢係「自來熟」、「愛裝熟」。真係𤓓爆。

鍾意就快D Share啦！

下一篇 》