入到 Cova，有位戴帽嘅女工作人員已經喺度等，鄭生一聲令下，佢即刻仆去碌卡俾錢。真係辛苦晒。
媽咪姐
鄭嘉穎點女人
對比陳豪黑面，鄭嘉穎老點人，查實真係……見得少咩！不過咁，以往都係見鄭生喺片場「大哥」上身，點啲男工作人員多，今次呢，女人都冇面俾呀！
早幾日啫，媽咪姐喺銅鑼灣見到佢同台灣童星小小彬拍張堅庭新戲《貧窮富爸爸》，一個 shot話咁快拍完。鄭嘉穎呢日好豪呀！話要「萬歲」喎。咁好啦，佢拖住小小彬入 Cova揀 cake。咦，咪住……媽咪姐聽到鄭生點身邊位女工作人員俾錢囉，佢話：「你唔好走呀！你要碌卡！」跟住佢嘅男助手入到嚟，諗住幫手拎餅，再問老細攞錢找數。鄭嘉穎即刻黑面，頭岳岳話係女工作人員俾錢。
Well，即係咁，阿鄭視帝呢兩年喺強國係人氣急跌，但之前搵埋唔少啦，斷估……唔會走數啩？
|
鍾意就快D Share啦！
|
|
|
