2014年8月6日 星期三

[FACE 375 外地娛樂] 露點是常識  Eva Green鹹過鹽焗雞 Eva Green,BKD_S,MF,




身高 5呎 6吋,擁有 34E導彈身材的 Eva Green,拍露點床戲永冇 say no。而每套片出來效果完全唔 cheap,全因 Eva身材夠天然,氣質更係荷里活數一數二。

西區

露點是常識  Eva Green鹹過鹽焗雞

「純純兔」馬賽有艷舞片流出,形象再次破產,慾女馬賽星途隨時一鋪清袋。

查實比起班荷里活名人女星,馬賽露點跳艷舞濕濕碎,好似名媛 Paris Hilton曾流出多套春宮影帶一樣死唔去;荷里活片更加有大把女星剝光豬。 34歲法籍風情慾女 Eva Green出名套套剝,唔單只冇人嫌 cheap, Eva更愈來愈受大導歡迎戲接戲。將於下月尾上畫的新片《罪惡城 2:蛇蠍情人》中, Eva繼續性上癮,連場性愛有血有慾,食緊爆谷小心流鼻血呀!

34歲的 Eva Green,講到自己拍性愛鏡頭好似專家咁款,「好多人問我點解每次拍戲都有大膽性愛鏡頭,我只可以講,性其實係生活一部分,而我只係將我嘅經驗投放喺演出上,而我每次埋位前都會預習,研究擺位同步驟。」

將於下月 21日上映的《罪惡城 2》中, Eva上演其中一個單元,飾演一個被老公虐打的人妻,為逃避老公魔掌,決定搵舊情人 Josh Broilin幫拖。 2人唔少得上演激烈床戲,慾女又可盡情發揮。

型仔 Joseph Gordon Levitt亦加盟《罪惡城 2》,片中 Joseph飾演一名賭徒,會同客串飾演女侍應嘅 Lady Gaga有對手戲。

放盡錫落去

不過, Eva唔係齋吹,下月 21日香港上畫的《罪惡城 2:蛇蠍情人》中,女主角之一的 Eva將與《黑超特警 3》男星 Josh Brolin飾演舊情人,戲中當然唔少得 2人的大膽性愛場面。

《罪惡城 2》的導演 Robert Rodriguez一向拍慣動作 cult片,今次拍大膽調情戲真係有難度。據知拍攝期間, Eva趁埋位前曾試過以女性角度教導演點樣拍得出女性最渴求性慾的一面;而對住床戲對手,更盛傳 Eva試過要求對手 Josh Brolin好似正式拍攝一樣放盡去錫。熟能生巧,真正 roll機時, Eva同 Josh卒之 1 take搞掂。做慾女做到咁 pro,抵監製 Frank Miller(《罪惡城》漫畫原作者)收佢做愛將。

Eva咪咪黑咗

拍性愛場面成專家的 Eva,拍宣傳海報一樣去到盡。早排電影公司曾推出一張 Eva只着白色薄紗上衣,透視出真空銅體的海報,雖然極盡視覺官能刺激,但卻被美國電影協會投訴,嫌 Eva過份暴露,之後要求電影公司執靚張海報後先可以再出街。

原裝

被美國電影協會要求「執靚」,留意原裝海報, Eva的胸部比較光,胸形好凸出。

執胸後

時代廣場 Cine Times

Eva海報雖然大膽,但在香港的戲院,好似時代廣場的 Cine Times,都可見到大大張 Eva性感紙牌棟喺戲院大堂。留意紙牌上, Eva胸部明顯陰影較重,胸形較模糊。

剝足 11年

34歲的 Eva Green,媽媽 Marlene Jobert是法國著名演員。出身演藝世家, Eva由 03年拍處女電影《戲夢巴黎》入行至今一直敬業樂業,差唔多每次導演要求拍露點床戲, Eva都唔會托手踭。

'03  3P共浴

處女上場,已於《戲夢巴黎》作三點盡露演出,更同兩個男演員共浴,超激。

'06 色誘占士邦

憑《新鐵金剛智破皇家賭場》攻入荷里活的 Eva,片中經常着住大 deep V晚裝,對佢來講算保守,但就引死占士邦。

'14 肉搏戰狼

今年初上畫的《戰狼 300:帝國崛起》,亦跟男主角 Sullivan Stapleto上演超激情慾戲,露兩點是常識吧。



鍾意就快D Share啦!
Related Posts Plugin for WordPress, Blogger...