2014年8月6日 星期三

[FACE 376] 人人有鬼故 MF,




全知言

人人有鬼故

呢期最興講咩?梗係鬼故

踏入農曆 7月,全知言鬼故特別多,雖然鬧鬼地方離不開大學、酒店、電梯、戲院……但見鬼喎?喺邊度發生都嚇死今期搵嚟圈中一班女神講鬼古,有啲仲係自身經歷。正如金句王黎明話齋:「拍拖如撞鬼!」有啲嘢都係講緣份,大吉利是講句,你?家無但將來……。



其他影片:>>明星篇
>>街坊篇







與鬼同床

做 Super Girls前係 model。有次去到(大陸)虎門嘅一個地方,嗰度係一間酒店嚟嘅,我同一個女仔住埋一間房,我就瞓近廁所嗰張床,我朋友就瞓隔籬嗰張,我見到我朋友講緊電話,而我就慢慢瞓着咗。但我瞓到半熟時候呢,就見到有個人瞓咗係我隔籬,托住個面望住我笑。其實當時我 feel到有團白色嘢,但有眼耳口鼻,微笑咁望住我……第朝我問(隔籬床個女仔)做咩瞓咁近?佢話我冇呀!

打機被鬼叫

我屋企好多時都聽到隔籬屋嘅對話。有次我喺屋企打緊 NDS,初時就聽到有個女人講嘢,我開頭冇埋佢,但過多幾分鐘,我 feel到把聲愈來愈近,不過我繼續專心玩 NDS。之後把女人聲離我好近,最後就聽到:「喂,小朋友……」我即刻閂埋部 NDS,然後標晒冷汗,之後即刻入房同媽咪瞓。

深圳屋撞鬼

我屋企人喺深圳有間屋,有次叫咗兩個女仔朋友嚟玩。得我哋 3個女仔,本來好開心一路睇電視一路食嘢,突然間有個女仔 feel到少少嘢,佢話睇到有個女仔坐咗喺飯廳嗰度。我朋友話:「不如我哋走,不如去揼骨。」我話:「你不如同我講乜事啦?」佢就同我講有個着住拖鞋嘅女仔坐喺飯廳度,之後屋企人都做咗少少嘢(法事)囉。

街坊都撞鬼

停車場 5呎男

潮流特區看更

喜嬸  60歲

上年我喺何文田崇明大廈替更,有晚半夜三更,喺停車場見到個男人,佢好奇怪着住醫院衫,大約 5呎左右高,我想問佢攞身份證嗰陣,佢轉眼就唔見咗。事後同事同街坊問我嗰個男人係咪尼泊爾人呀,我問佢哋點知,佢哋話停車場個火盆咪就係畀佢嘅囉。

長洲白影飄

女僕 cafe侍應

瑞秋  16歲

我細個住喺長洲山上面嗰啲花園,我間房有個窗對住山。有晚有個白影喺我個窗度飄過,我其實唔肯定,但我嗰陣唔識驚,冇理佢!不過長洲出名好猛鬼。

即時報料

有料、有相、有片即刻 send嚟

熱線: 9222 0828

電郵:mailto:facenews@nextmedia.com

facebook: facemagazine inbox

line、 we chat id: facemagazine



鍾意就快D Share啦!
Related Posts Plugin for WordPress, Blogger...