2014年8月6日 星期三

[FACE 376] 王君馨香香爭畀相松哥睇 香香,王君馨,岑麗香,MF,




處女君馨出名有身材,當晚着 deep V晚裝拍外景引嚟唔少自由行狂影。

全知言

王君馨香香爭畀相松哥睇

上文提要,伍允龍之前被人影到同位女伴去赤柱隊啤,情到濃時二人仲一杯啤 2份飲,大家當然關心佢女友鍾嘉欣有冇唔開心啦?全知言就八到嘉欣 BB完全當笑料,事關嗰位女伴,係 04年入行做過吓明星嘅關之彤(係冇人識㗎喇),但嘉欣 BB仲同身邊人講自己都識關之彤,知道男友當對方好似妹咁, 3個人其實係好好朋友咁話。所以最近嘉欣為新劇《華麗轉身》開工,都冇乜異樣,仲識同人講笑。

上星期二( 29日),全知言走咗去尖沙咀睇《華麗轉身》拍外景,不過呢晚亮點唔係嘉欣,而係 64歲嘅松哥呀!眾所周知松哥一向受妹妹仔歡迎,早前 TB汪咪話馬賽送過情慾短訊同片畀一個年過半百男藝人?松哥嫌疑最大,而呢晚松哥亦保持住驚人魅力,全知言睇住低 V王君馨同岑麗香係咁黐實松哥,王君馨同香香仲畀手機內嘅私相松哥睇。有冇片先?

雖然男友伍允龍被指偷食,不過嘉欣一於當笑料,連續幾晚通宵為《華麗轉身》拍外景,現場見佢都有幾聲咳,唔係畀男友激親呀?

埋位前君馨 BB畀部手機松哥睇,跟住香香公主又走埋松哥度,松哥真係艷福無邊。



鍾意就快D Share啦!
Related Posts Plugin for WordPress, Blogger...