2014年8月6日 星期三

[FACE 375 外地娛樂] 邊拍邊播冇得唞 孔孝真撞完車復工好辛苦 孔孝真,MF,




已於上週三( 23日)開播的《沒關係,是愛情啊》,由影帝趙寅成同視后孔孝真合演,講推理小說作家同精神科醫生嘅愛情故事。《沒》劇已於上週播到第 2集,最高收視為 9.3%,輸少少畀同時段嘅《命中注定我愛你》 9.7%。

韓飯台

邊拍邊播冇得唞 孔孝真撞完車復工好辛苦

韓劇特色之一係邊拍邊播,可以因應觀眾反應隨時改劇本,如果反應好,隨時添食加集數。

不過,着數就電視台攞晒,做演員嘅,萬一途中有乜頭暈身㷫,都要死頂趕住出街。

早前,允兒男友李昇基拍劇時被道具刀插傷眼,都被迫負傷開工;最近輪到韓劇一姐孔孝真,上月尾拍緊新劇《沒關係,是愛情啊》,期間發生車禍,唞咗唔夠一星期即要復工趕戲,意志力薄弱啲都真係唔好做韓星。

車禍後,我每次瞓覺,瞓唔夠 10分鐘就醒,對坐車同揸車感到恐懼。我左手同腿部受傷,接受外傷治療同時,亦接受心理治療。當時我因為受傷仍要去拍戲,我覺得好大壓力,而且好難受。好彩得到醫生鼓勵,我先有信心會做得好。最近孔孝真出席新劇《沒關係,是愛情啊》發布會時,講出車禍後感受,聽到都戥佢辛苦。

今月中,真姐出席《沒》劇發布會,傷勢依然未完全康復,左腳膝蓋周圍仍貼上膠布,上台時更要拍檔趙寅成扶住。

因劇組一早安排去沖繩拍外景,撞車後左手骨折左腳受傷嘅真姐唞咗唔夠一星期,即趕去沖繩同趙寅成趕戲,因左手打咗石膏,所以真姐的左手一直要用衫袖遮住。

上月中,孔孝真拍完《沒》劇返歸途中遇上車禍,只見當晚真姐乘搭的 7人車車尾撞到凹晒變晒形,真姐傷勢估計唔輕。

唞得 1星期

現正日夜趕戲嘅趙寅成(黃衫),被影到拍外景等埋位時,要呆企街頭,韓劇一哥其實同工作人員一樣冇得坐。

的而且確,唔到孔孝真覺得壓力大,事緣上月 19日,剛剛開拍《沒關係,是愛情啊》的孔孝真,收工後坐車返歸途中撞車。雖然冇生命危險,但真姐慘被撞到左腳受傷,而且左手骨折,即被送去醫院檢查,經醫生診斷後,醫生建議真姐要休養一個月先可以完全康復。

但因真姐是劇中女主角,加上《沒》劇啱啱開拍,如真姐依照醫生吩咐休養一個月,拍劇進度一定受阻。加上電視台一早安排好真姐同男主角趙寅成一齊去沖繩的外景,飽受壓力的真姐,最後迫住休息一星期,便負傷飛往沖繩開工。據知真姐到𠵱家左手及左腳仍有餘痛,最慘係精神亦同樣受創,睇怕復康之路都會幾漫長。

EXO佔領韓劇

韓男天團 EXO,橫掃完韓國樂壇外,新目標就係入侵韓劇界。新劇《沒關係,是愛情啊》,樣生得勁 cute的成員 D.O,首次以演員身份參演《沒》劇,成為 EXO拍劇先鋒。除此,佢嘅隊友 Chen仲唱埋該劇主題曲,各成員一步一步攻入劇界。

EXO成員 D.O.喺《沒》劇中,飾演小說作家趙寅成嘅忠心粉絲。唔少 EXO粉絲都大讚 D.O.做戲好可愛。

《沒》劇主題曲〈 Best Luck〉由 D.O.隊友 Chen主唱,首歌已登上多個音樂網站排行榜 no.1。

SBS大台抄老外?

每逢韓劇出街前,都會推出一批海報做宣傳,早前《沒》劇男女主角趙寅成同孔孝真亦破格拍攝情慾海報, 2人只用布蓋住身體,互相攬實對方。原本感覺好 sweet,點知睇真啲,海報概念同兩年前安妮夏菲維及積嘉倫賀電影《愛情戀上癮》海報有 9成似,只係遮住身嗰張被唔同顏色。原來唔只香港,連韓國 SBS咁大的電視台都鍾意抄老外。

《沒關係,是愛情啊》

雖然兩張海報嘅意念好相似有抄橋之嫌,但趙寅成同真姐攬得咁實, sweet好多喎!

《愛情戀上癮》



鍾意就快D Share啦!
Related Posts Plugin for WordPress, Blogger...