多年在內地生活的燦神認為政治冇分對與錯，明年《笑聲救地球》 25周年騷會否講政治激過以前？佢就話：「唔使激嘅，人生唔只有政治，仲有好多笑料嘅，有陰陰笑、有狂笑、微微笑，同政治冇關係嘅！」
爆 Like王
燦神歸位：十幾年冇食麥記
燦神廖偉雄， 35年前喺大台劇食包出位，如今高登仔又將燦神無限改圖，燦神其實一直冇 out過！
但燦神始終離開電視圈已一段長時間，近日重出江湖，一次過十幾條片放上 YouTube，叉燒壽司短片、讀潮文、講人生，用最潮的方式自 sell，網民再度爆 like。
《 FACE》本來約燦神再扮都敏俊、特首太，點知他一一拒絕，堅持唔扮嘢，要做番自己！連令他上位兼鬧出黑心肉嘅老麥，燦神都堅持話：「十幾年冇食過，唔關我事！」 57歲燦神其實堅有態度。
講融合
都係人囉，香港人都係人之嘛！人就會有磨擦會有鬥爭；每一樣嘢係需要融合，需要平衡。好似我咁，去到一個地方係要盡快融入，成為朋友，你會唔會去鬧個朋友吖？融合係好多方面，邊個起步先，呢點係重要！
Q：點解突然拍咁多片上網？
A：因為拍片要有個勢，唔可以一條咁少嘅！又想試吓呢個媒體可以做到啲乜，第時可以點發展。同埋月尾有個舞台劇《那年五月》啦，出年又《笑星救地球》 25周年想搞個演笑會，我都想問大家，如果乜太復出，大家想佢煮咩餸，俾啲意見我！
Q：扮嘢需唔需要演技？
A：其實乜嘢叫演技呢？做政治嗰啲人啲演技最好！哈哈，所有演員唔夠佢哋嚟嘅！演藝係分好多層次，扮嘢要講基本技能，連基本都冇嘅唔好講，嗰啲瞓覺㗎啫，一係自己瞓覺，一係同人瞓覺啫！
Q：想做 You Tuber？
A：其實冇乜所謂，都係一個媒體啫！係年青一代創業嘅好好平台，過往入演藝事業係好有難度，位唔係多，亦好多人霸住！成名可能幾年先有一個，但𠵱家只係喺屋企創作咗啲嘢，擺咗上去就可以搵食喇，如果我咁做就覺得搵食比較慢啦，我唔使咁搵食吖。
燦神網上新片《黯然消魂軍艦》改篇自潮文，而且今日叉燒已不是從前的叉燒：「過去嘅已經過去，做叉燒都唔能夠做番十年前嘅叉燒嘛，我要有啲新思維，睇吓網民有乜反應。」
Q：點睇最近麥記賣過期肉？
A：都唔關我事，冇食過，十幾年冇食
|
鍾意就快D Share啦！
|
|
|
