上月 25日， JM正式簽約太陽娛樂，當日 JM一臉風騷，更露埋胸墊益街坊，原來成功釣金龜，唔怪得勁 high！
真面目
執到寶 iBank界筍盤 JM富男友跟梁錦松搵食
剛剛以 3千萬天價加盟太陽娛樂的 JM（文詠珊），撇甩「伯樂」黎明改黐金牌經理人 Paco，有望大翻身追上 Angelababy。
事業得意， JM情場同樣得意。上月 25日出席完簽約新公司儀式， JM被傳媒影到同新歡一齊返屯門新居過夜。有報導指新歡是富二代，家族經營大生意，甚至是 ABC，查實 JM新歡是黑石（ Blackstone）集團私募股權投資總監，年約 32歲的 Carl（吳啟楠）。 Carl除了是投資公司高層外，更係前財政司司長梁錦松在黑石的愛將，曾被梁帶到新疆會見當地高官，有才幹有地位。
新歡叻仔有錢又有面， JM今次當然咬實唔放。
以為泊到好碼頭黎明，點知浪費足足 5年青春， 25歲的 JM上月尾終於逃離黎明魔掌，轉投 Paco旗下的太陽娛樂，穩袋 3千萬轉會費，更風騷在簽約記招自爆睇緊豪宅添！
黑石高層
帶團新疆見官
12年，黑石大中華區主席的梁錦松（中），帶埋 Carl（左）去新疆會見維吾爾自治區黨委副書記等高官， Carl係黑石唯一一位可以跟住松哥北上黑石職員，松哥於今年年初轉到南豐集團任 CEO，並繼續擔任黑石集團顧問。網上圖片
新公司自由度高可以自己話事， JM大把時間溝仔！之前同謝霆鋒、「的士大王」鄭子邦全部冇下文，好在 JM最近終於釣到有米新歡 Carl Wu（吳啟楠）。 Carl任職全球其中一間最大投資機構黑石集團，身為私募股權投資總監的 Carl年約 32歲，外形高大，私生活非常健康， fb中一張夜蒲攬女相都冇，反而經常同朋友行山滑雪，又同屋企人合照，勁正氣。
松哥愛將
來自內地汕頭的 Carl，並非外間所指係 ABC。 Carl 01年入讀倫敦政治經濟學院主修經濟，並獲甲級榮譽畢業，早年於投資銀行 UBS任分析員， 07年加入黑石後曾被派往倫敦，後來調回香港。 2012年，前財政師長、當時是黑石集團大中華區主席的梁錦松，帶同 Carl前往新疆會見當地高官，足證 Carl在前財爺心目中，地位舉足輕重。而身居要職的 Carl，年紀輕輕已持有一幢買入價為 1,500萬的粉嶺豪宅，絕對是港女熱搶筍盤。
雖然 JM上月 25日被影到同 Carl同車返回屯門新居過夜，但事後死口唔認拍拖，釣到金龜咬實啲
屋邨女神進化史
入行不經不覺已經 10年的文詠珊（ JM），原本家住荃灣梨木樹邨，但簽約 AMusic後即被黎明安排搬竇，現在更豪租價值 3,500萬的屯門星堤獨立屋。 10年來， JM由衣着娘爆𡃁模，慢慢演變圈中大美女，人紅自然有星味。
'02
當年只得 13歲，個樣娘娘哋的 JM在街上偶遇當時仲係好紅的陳冠希，二話不說就上前「集郵」，事後仲話：「我好崇拜佢，我見其他人同佢影，梗係唔執輸住佢影！」今日 JM見到 Edison可能會調頭走。
|
鍾意就快D Share啦！
|
|
|
