伍允龍冇 hea跑㗎， chok哂手兼面容扭曲，成件衫濕晒咁滯。 33度天氣拍外景真係咪話唔辛苦。
全知言
伍允龍跑到堅嘔
鍾嘉欣男友伍允龍（ Philip）出名好打，但打得唔代表跑得。最近佢就忙緊林嶺東新戲《迷城》，同古天樂、余文樂等都有唔少對手戲。上週日（ 27日）全知言行過上環，撞到佢哋拍追逐戲。當日拍攝伍允龍追古天樂，由德輔道中街頭跑到街尾，全知言斷估都應該有成 300米。
當日有成 33度，全知賢仲擔心緊 43歲古仔頂唔頂得住啦，點知拍多幾個 take，忽然全組叫停。原來好打得嘅伍允龍頂唔順，跪喺地度嘔，反而古仔就企定原位等佢嘔完先埋位。早排龍哥被拍得同另一女伴喺赤柱隊啤，唔通拍戲前一晚龍哥又隊過啤？
|
鍾意就快D Share啦！
|
|
|
