掃呢頁CODE去手機

2014年8月6日 星期三

Mandy Lieu被澳門大佬包起 揼本做老闆 Mandy Lieu,




【又一女神破滅】Mandy Lieu被澳門大佬包起做老闆

2014-08-06 13:05:00



Mandy Lieu(劉碧麗),喺香港都算係一個熟悉嘅名字,除咗喺好耐之前同台灣小生陳柏霖拍拖3年之外,0依家成日都會係時尚場合、fashion雜誌見到佢,但話佢係當紅女星又未算,就算去年做咗陶傑處男執導電影《愛.尋.迷》嘅女主角,最後都係票房仆直,想轉型做女演員?夢碎了...不過,Mandy仍有財力用7位數開model公司做老細,點解咁犀利?

今日有雜誌報道,上月中MandyLieu被影到陪澳門有米大佬、大陽娛樂文化老闆周焯華(洗米華)出席向佐喺澳門搞嘅生日party,之後兩人更一同離去,女方喺第二日先獨自返香港。

報道又話,至上月嘅24號,Mandy夜晚七點幾,喺佢中環屋企以一身sexy長腿look現身,原來係洗米華揸咗架黑色七人車接Mandy,兩人一齊去灣仔食日本嘢,仲一食就食足4粒鐘,走嘅時候,Mandy喺餐廳門外望咗勁耐有冇記者,反而洗米華就從容不迫,仲攬實Mandy纖腰送佢上車,最後返番去洗米華喺九龍站上面嘅豪宅。

其實,Mandy入行有十一年,但事業一直未見高峰,反而緋聞就多多,有李澤楷啦、金剛啦等等,個報道又話,有知情人透露,呢兩年嚟Mandy一直與曾經和G.E.M.傳過父女戀嘅唱片監製Lupo Groinig有交往,只係因為Lupo係幕後人,講出嚟都冇用喎,加上Lupo近年為G.E.M.奔走,Mandy識到有米大佬,當然把握機會啦,雖然洗米華已經有一位現任仁愛堂總理嘅老婆同一名十歲嘅女兒,但都非常欣賞Mandy,自然對佢寵愛有加。



Mandy有人照住,做Model公司老闆話咁易。



(資料圖片)



(資料圖片)



周焯華係現時澳門舉足輕重人物。(資料圖片)



周焯華近年涉足電影事業。(資料圖片)





有指Mandy和G.E.M.嘅唱片監製Lupo交往兩年。(資料圖片)



Mandy曾同陳柏霖熱戀,於2011年分手。(資料圖片)



影晒相添喎!(壹週刊圖片)



鍾意就快D Share啦!