[FACE 376] 杜小喬為錢飛熊仔頭 杜小喬,MF,

以前拍住熊仔頭合作無間，如今杜小喬搵咗經理人 Leo（左），想再睇佢同熊仔頭合作，機會微啲囉！

全知言

杜小喬為錢飛熊仔頭

高登女神杜小喬自從孖住「熊仔頭」拍片就開始成為網路紅人，早排仲有幸喺 Chilam個 MV度做女主角，真係成名趁早。

不過據全知言所知，同佢合作無間嘅「熊仔頭」，終於要同杜小喬分開喇，事關以前唔收錢都肯拍片嘅杜小喬，如今人紅自然要講金唔講心，仲自己搵咗新經理人 Leo接 job，想繼續睇熊仔頭同杜小喬嘅網路短片，上 YouTube睇舊文啦。

本身屋企有啲「貨」，家住喺何文田私樓嘅杜小喬，上月初被全知言發現去咗九龍城東匯邨，上樓 3個鐘後突然換晒衫落樓，唔通杜小喬人仔細細已經有兩頭住家？

雖然做過 Chilam演唱會嘉賓，又做埋 MV女主角，不過出街仍然唔多人認得嘅小喬已經識戴超行街，自製星味。

杜小喬同熊仔頭曾接受《 FACE》訪問，片段喺 YouTube點擊率達 37萬，證明呢位高登女神真係好受歡迎。

鍾意就快D Share啦！

下一篇 》