熱爆娛樂: [壹週刊 1282] 陳敏之國慶日峇里完婚陳敏之,熱門,國慶,M1,

2014年10月2日星期四

[壹週刊 1282] 陳敏之國慶日峇里完婚陳敏之,熱門,國慶,M1,

探熱針

陳敏之國慶日峇里完婚

一直否認今年會跟圈外男友 William（雷偉信）拉埋天窗的陳敏之，九月二十日著住白色新娘禮服受浸，正式成為基督徒；本週一（二十九日）早上，再起程飛峇里，為十月一日國慶日舉行的婚禮做準備，圈中好友包括伍詠薇、梁烈唯和老婆 Tina，亦會飛到當地，見證陳敏之做雷太。

扮去旅行

年初已經傳出十月出嫁的陳敏之，週一早上九點半，黑超遮瞓樣現身機場，對於即將做雷太，準新娘堅稱「籌備中」，又推說峇里此行是帶媽咪去度假，至於有關選擇峇里舉行婚禮、嘉賓名單，全部「冇特別」、「唔知」回應記者。

據了解，陳敏之跟 William是同日出發，只是分開入閘避人耳目。

「班圈中朋友會三十號先飛過去，契姐伍姑娘、梁烈唯同老婆 Tina、（黃）長興兩公婆，仲有 Neway大少薛世恒都會去參加婚禮；其實敏之想請埋法拉，不過因為請咗大少，唔好意思要佢哋同場驚尷尬，之後先約法拉食飯。」知情者說。

週一早上，由助手陪往辦登機證，陳敏之拉住兩件手提行李上機。

準老公

William

受浸當日，在好姊妹黃泆潼見證下，陳敏之著住白色禮服，頭戴花環進行受浸。

為支持女友， William（左）也有出席受浸儀式，並全程在她身邊。

胞弟及陳母都有現身浸禮儀式。

唔做少奶

正式做人妻前，近年經常相約陳志雲、陳振聰太太一齊查經的陳敏之，亦專登趕在婚禮前（九月二十日）受浸。

「敏之爹哋○三年走咗，都係臨終前成為基督徒，亦講過希望一家都可以信主，敏之想完成爹哋遺願，所以婚前先進行受浸。」

將步入人生另一階段的陳敏之，亦慶幸自己能夠逐一達成心願。「（歌手）入行十五年，早排因為拍《 My盛 Lady》有機會再簽唱片公司做番歌手；上月又開咗餅鋪做老闆娘，好滿足。」

婚禮後，陳敏之亦不會安於做少奶奶，十一月就會復工拍劇。