[FACE 384] 2助手摻扶飲到劏 DaDa DaDa,陳靜,MF,

再次同杜汶澤合作，二人合拍度真係唔使講嘢，衰啲講，仲有咩未見過？飲埋同一支維他奶又有咩所謂吖？

全知言

2助手摻扶飲到劏 DaDa

又有新戲上嘅陳靜（ DaDa），上周三（ 24日）晚出席《唐伯虎衝上雲宵》首映，當然唔少得直落去埋慶功，飲番兩杯賀一賀。

當晚 12點未夠， DaDa已經由助手陪同去到尖沙咀慶功嘅酒吧，玩足 3個鐘， DaDa再由助手陪住上保母車，當時 DaDa由離開餐廳到上車其實只係三、四步路程，初時仲見佢係自己行，當佢打算直奔返屋企之際，全知言發現架保母車行吓停吓，期間仲有助手走落車去車尾箱攞水，上番車又遲遲唔開車，全知言都知道呢鋪 DaDa應該唔係好掂，似乎飲大咗喺車嘔緊！果然，返到 DaDa喺大角咀海桃灣新居樓下，佢就要由助手扶實，再加另一助手幫手拎手袋至返到屋企！所以，開車前咪飲，都唔淨係講比司機聽㗎！

DaDa到達慶功會場仲係好精靈㗎！

醉到啤啤夫， DaDa真係要助手扶實至返到屋企，慶功宴啫，真係要咁盡興？

有杜汶澤同 DaDa，大家都唔會期望係咩文藝電影，少少鹹多多趣是常識！

鍾意就快D Share啦！

下一篇 》