[壹週刊 1282] 老豆湊鬼仔開飯 陳冠希勞氣黑面 陳冠希,M1,

食完飯，陳冠希一支箭行出酒店，望都唔望老豆陳澤民同佢位鬼仔男友。

同你吟一吟

老豆湊鬼仔開飯　陳冠希勞氣黑面

經常同台灣女友阿 Ann洪文安形影不離嘅陳冠希，上個禮拜三（九月二十四日）晚帶埋女友，同屋企人去半島酒店食晚飯。其間兩個煙癮起， Edison同女友拖住手行出街煲煙傾偈，但 Edison愈講愈勞氣，又不停攤開雙手𤷪爆咁款。

家庭飯局食到十一點，只見 Edison黑住塊面同女友先行出酒店，尾隨有老豆陳澤民同佢位鬼仔新歡。合家歡時間都帶埋鬼仔，難怪陳冠希塊面黑過隻鑊。

兩父子走咗一段時間， Edison媽咪同兩個女先離開酒店。既然你老媽子都唔介意同前夫個 honey坐埋一枱， Edison應該睇開啲。

準備上車，陳冠希揮手 say bye。

臨上車前，阿 Ann同 uncle抱抱 goodbye傾多兩句，身後個鬼仔全程木無表情。

食飯期間，走出街煲煙，本來笑晒嘅陳冠希，忽然講到攤開雙手，好勞氣！

等前夫走咗，陳冠希媽咪（右）先至同大女 Olivia（左）以及二女陳見飛（中）行出酒店上車。

鍾意就快D Share啦！

下一篇 》