[FACE 384] 地獄減肥 6個月 Tara恩靜索晒 MF,

減肥成功，恩靜鎖骨出晒嚟，連塊面都細埋，索晒！

全知言

地獄減肥 6個月　 T-ara恩靜索晒

只要有決心，冇女人係減唔到肥嘅！好似一向有 baby fat嘅 T-ara成員恩靜咁，出道至今 5年都係脹卜卜，但係今年初決心慽甩拜拜肉。

減肥計劃實行 6個月，終於成功減咗 22磅！全知言上星期二（ 23日）飛咗轉韓國，出席電影《舉報者》嘅 VIP試映會，估唔到恩靜都有到場撐男主角柳演錫。減肥後嘅恩靜容光煥發， V面同瘦削身材真係冇得輸！不過唔好以為減肥好易，恩靜自己都話「減肥的過程係好難熬的。」佢為咗瘦身不但每日要堅持咁做彼拉提健康操（ Pilates and Weight），每日仲只可以食雞胸肉、番薯、香蕉等食物，真係地獄式減肥食譜嚟㗎！

miss A的 MIN同 15&的朴智敏都有去 VIP試映會撐場，仲擺出鬼馬甫士！

《舉報者》係一部改篇自真實事件的電影。講述 2006年韓國克隆之父黃禹錫博士幹細胞造假的事件；新一代「大勢男」柳演錫係男主角，飾演研究員沈[!FE5F]豪一角。

前

網上圖片

恩靜減肥前都仲係包包臉，着住長袖衫都遮唔住手臀啲拜拜肉。

後

網上圖片

恩靜之前為時尚雜誌拍攝以健康為主題的寫真，仲話：「身材變好讓自己變得很開心！」睇佢𠵱家身材咁索，恩靜嘅粉絲睇到都應該同佢一樣咁開心！

鍾意就快D Share啦！

下一篇 》