[FACE 384] 黃浩然出院戴珠 黃浩然,黃浩,MF,

黃浩然同老婆拍拖行街，睇到黃浩然呢個眼仔碌碌樣，就知佢康復進度良好。

全知言

黃浩然出院戴珠

上月因「貝賽特氏症」而入院嘅黃浩然，好彩已經康復出院，上周四（ 25日）全知言就撞見佢精神奕奕同老婆莫家嘉行街街。

當日下午差不多 3點，全知言喺銅鑼灣行緊街，突然俾個喺室內 shopping緊都戴住太陽眼睛嘅女士吸引住。全知言以為係星啦，結果啱咗一半，佢係星嘅老婆，而真正嘅星黃浩然，就好簡約咁戴住頂 cap帽等老婆。出咗院都有一星期，黃浩然氣息唔錯，亦比剛出院時肥番少少，離開鋪頭時仲識拖住老婆行。全知言更發現二人嘅手上多咗條疑似佛珠嘅手鏈。經歷大病，之前又傳喺民初街撞邪，黃浩然同老婆選擇寧可信其有。

同老婆對手都有同款藍色珠鍊，寧可信其有。

結婚 9年，經歷大病嘅黃浩然同老婆感情有增無減，二人嘅背影好 sweet。

鍾意就快D Share啦！

下一篇 》