廣告入面 Keith扮醫生，幫懷有四胞胎嘅大肚婆度過難關，但佢正職其實係工程師。
同你吟一吟
梁詠琪孖生細佬處男廣告
最近八珍睇電視，見到一個講四胞胎嘅保險廣告，鏡頭前嘅四眼醫生，唔知點解硬係熟口熟面，有二五一言驚醒，之唔係大肚 GiGi梁詠琪嘅孖生細佬 Keith。
聽講早排 Keith整傷腳去醫院睇醫生遇到廣告星探，覺得佢天生一副醫生相，好啱個保險廣告用！同媽咪家姐商量後， Keith決定接拍，仲幫手做埋配音。不過廣告公司同品牌商，到而家都唔知佢係 GiGi孖生細佬。
想當年 GiGi十七歲已經俾星探睇中拍手錶廣告，之後仲做埋爾冬陞套《烈火戰車》女主角，孖生 Keith要三十八歲人先俾人發掘，但二五話正職做工程師嘅佢純粹貪過癮，唔會同家姐做埋同一行喎！
|
鍾意就快D Share啦！
|
|
|
