網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年12月26日 星期五

[忽然1周 - 1013] 56歲素食美魔女 潘芳芳母子檔做戲 MW,




潘芳芳每日早晨 7點就親自送乖仔 Queston上校車返學,盡量爭取多些親子時間,難得未瞓醒兼素顏的她,仍沒有走樣。

娛樂喧

56歲素食美魔女 潘芳芳母子檔做戲

唔少年過半百的女明星,為了做美魔女,搞到塊面變膠變硬。不過 56歲的潘芳芳,卻擁有無添加的童顏,秘訣是素食及作息正常。當然還歸功 8歲大的兒子陳健御( Queston)。當年她 48歲高齡產子,懷孕時堅持食素,所以身材多年 keep住纖瘦。

她說與兒子一起重拾很多童真,心境也年輕了。

潘芳芳每晚都為兒子講故事。耳濡目染下,健御自細已經熱愛戲劇,不但參加學校的戲劇班,更與媽咪齊齊演舞台劇,毫不怯場,更愈演愈上癮,經常追問媽咪仲有冇角色啱佢。

阿仔急跑上車,芳芳即刻嗌住佢︰「小心啲!慢慢呀。」

大台新劇《宦海奇官》由本月中延至月尾播出, 40歲男主角馬國明拍埋劇中阿媽潘芳芳度,似姊弟多過母子。現實中,潘芳芳 48歲意外懷孕才誕下兒子,因為與兒子年齡差距大,她與丈夫( DJ陳冠豪)都擔心未必能照顧兒子很久,所以她從小便訓練兒子不可太依賴,學會獨立自處。

八歲的 Queston每晚都會自己執定書包、衣服或飯盒,配合父母不定時工作時間表,潘芳芳形容「就似《小童流浪記》!」

「我同老公都工作唔定時,晚晚十二點都好似人哋夾通告咁,要睇吓聽日邊個湊到阿仔。老公唔想請工人,因為佢由出世至九歲,都由工人姐姐照顧,之後一家人移民加拿大(唔包括工人),佢傷心咗好耐。老公唔想個仔好似佢咁,所以我哋只係請鐘點,真係就唔到,就搵親戚朋友幫手。哈哈,搞到我啲朋友都怕咗我!」

雖然工作忙,但兒子出生到現在,每晚無論多累,她都會在兒子牀邊講睡前故事。「講乜嘢同講幾耐唔重要,最重要係親子,晚晚佢都會自動自覺上牀等我講。」

一家三口齊搵食

潘芳芳在大台單元劇《我們的天空之接班人》中飾演怪獸家長,不過現實中剛剛相反,她是個民主母親。 Queston愛上戲劇,參加了學校的戲劇班,潘芳芳按兒子的興趣培養他。

雖然同個仔年紀差好遠,但為咗個仔,兩夫婦亦經常帶個仔旅行遠足,跑到索晒氣都冇計。

2008年潘芳芳(左)同伍詠薇、伍衞國及楊婉儀演出大台劇集《銀樓金粉》戲份不少,但近年大部分都是甘草角色。

做戲學習獨立

「舊年我哋一家三口做了個教小朋友環保意識嘅舞台劇(劇名︰《國際綜藝合家歡 2013》)。佢爸爸做導演,我同阿仔做演員,之後個仔成日問我有冇啱佢嘅角色。排戲時佢會叫爸爸做導演,叫我劇中角色個名,做完一場又會問我剛才做成點?好認真㗎!

「我俾個仔演戲,唔係想佢入娛樂圈,係因為戲劇係 team work,佢可以學識個別思考、獨立個性以及顧全大局。」

潘芳芳話後來演變到一家三口連食飯洗碗,都研究角色性格。其實她一心想送個仔出國,但為了令兒子學多點中文,最後決定押後送他去外國讀書的計劃。

除了為大台演出劇集及配音外,潘芳芳兩夫妻早年更成立了「芳芳劇社」,為多間香港學校設計課外英語課程及擔任導師,又為香港康文署主辦親子教育活動設計及主持英語故事工作坊。有不少親子劇更是她自編自導自演兼統籌,所以兒子大把機會實習。

潘芳芳同阿仔齊齊做舞台劇。她說個仔第一次上台都冇怯場,只是猛問做得好唔好。

潘芳芳與老公陳冠豪本來是無意生育,但 48歲那年意外懷孕,兩人就當係上天賜予嘅禮物。

06年,潘芳芳產後立即回復苗條身形,更大騷纖腰。

現年 56歲嘅潘芳芳,身材樣貌 keep得好,絕對係美魔女。

訪問當日,潘芳芳與梁榮忠在「牛棚」排練舞台劇。她說演舞台劇有很大滿足感,皆因與觀眾可以近距離接觸。

才女愛才子

潘芳芳中學畢業於拔萃女書院,其後到夏威夷留學。 87年畢業於無綫藝員訓練班,多材多藝的她,除了做主持,還拍劇、拍電影及配音。

潘芳芳曾與棟篤笑藝人黃子華拍拖, 90年代分手,之後戀上電影編劇李志毅,但又是無結果。 05年她與前無綫導演及現任港台 DJ陳冠豪( Francis)結婚,翌年剖腹誕下兒子 Queston。

潘芳芳與黃子華曾合作電影《沙甸魚殺人事件》。

潘芳芳曾為《反斗奇兵 2》的芭比配音。



鍾意就快D Share啦!