靚抽王
北韓嘅底線喺邊度？
唔知由幾時開始，恥笑北韓已經成為地球人生活嘅必需品，無論係網上面定係不同嘅媒體，來自北韓嘅笑話就好似滔滔江水咁連綿不斷，又有如黃河氾濫，一發不可收拾。不過，北韓作為擁有高科技嘅核彈國，真係唔會次次都忍你㗎！咁究竟佢條底線喺邊？要惡搞到咩地步佢先會真正發作？
測試底線一惡搞金正恩髮型
今年 4月，英國有間理髮店以專剪金正恩髮型為招徠，搞到北韓派遣專員去投訴，不過最後都相安無事。冇幾耐，網上又傳出一系列嘅金正恩髮型惡搞相，唔知係唔係金正恩自己見到都覺得好笑，而且同咁多名人放埋一齊一啲都冇失佢嘅尊貴身份，所以北韓最終都冇發作。
測試底線二惡搞北韓新聞
北韓官方媒體經常誇大自己國家嘅富強，呢一點就成為外國媒體嘲笑嘅對象。當中最有趣嘅，包括有惡搞北韓新聞指北韓踢贏世界盃，同埋北韓太空船登陸太陽。可能北韓當局覺得登陸太陽一啲都唔誇，於是最後都冇因此而作出反擊。
測試底線四金正恩爆頭
本來就嚟上映嘅荷里活電影《 The Interview》，內容講述特工刺殺金正恩，據講結局係金正恩爆頭死。哼！惡搞偉大領導人嘅髮型我哋可以忍，扮我哋偉大領導人，我哋都可以忍，但係竟然要我哋可愛嘅金正恩 BB爆頭？就「是可忍孰不可忍」！呢套電影因為黑客入侵同埋恐襲威脅，搞到冇得放映。所以話，玩還玩，要好似我哋咁識收先得嘛，你玩埋爆頭，我哋家吓想恤個靚髮扮金正恩都唔得
膠事國際
國際膠事無奇不有，每期膠事國際為你帶嚟最熱門嘅世界性膠事話題。
|
鍾意就快D Share啦！
|
|
|