熱爆娛樂: [壹週刊 - 1294] 反口認自薦做 model　梁齊昕展示語言偽術梁齊昕,CY女,齊昕,M1,

2014年12月26日星期五

[壹週刊 - 1294] 反口認自薦做 model　梁齊昕展示語言偽術梁齊昕,CY女,齊昕,M1,

CY女親口否認寫過信，並在 fb指自己被冒名整蠱。

探熱針

反口認自薦做 model　梁齊昕展示語言偽術

早前本刊發現特首女梁齊昕發電郵到多間 model公司自薦做 model，當時 CY女矢口否認，又在 Fb鬧爆被人冒認，對被名模馬詩慧暗寸，更加作出反擊。

積極洗脫應徵做 model嫌疑，本週一（十二月二十二日），當事人接受傳媒獨家訪問，卻 180度改口風，承認真有其事：「 e-mail係我 send……呢件事被誇大咗，我從來都冇興趣，只係有人搵我，我禮貌地覆番。」

運用語言偽術掩飾前言不對後語，果然有特首遺傳！

本月初香港多間 model公司收到署名 Chai Yan Leung的英文自薦信連同多張照片，包括三點式自拍照，應徵做 model。

踢爆應徵做 model後， CY女繼續高調，並不停上載自拍照，和與爾冬陞的合照。

大反應

今個月中，本刊披露香港有多間 model公司，收到署名 Chai Yan Leung電郵連生活自拍照，自薦做 model，其時，同名同面貌的特首女梁齊昕否認說：「冇寄過，有好多人鍾意冒我個名，（有冇興趣入娛樂圈？）我讀法律㗎！」

報導出街後， CY女在 Fb留言鬧爆有人冒認自己，散播謠言（ Can people please stop pretending to be me and spreading lies and rumours about myself?）留言張貼了半小時，便消失得無影無蹤。

自言唔會入行，亦冇自薦做 model，另一方面， CY女卻十分介懷外間對她自薦做 model的睇法，名模馬詩慧的有骨意見，更加牽動她的神經。

「反正而家係人都叫自己做 model，多一個唔多，就算紅得一個月半個月，唔知維唔維持到。做 model要有個性同氣質，唔係個個都話自己係 model， model係專業嘅！」

言論一出街， CY女隨即在 Fb反擊：「 Tbh靠樣搵食當做一門『事業』，對我嚟講同做……冇乜分別。讀書學習多方面嘅嘢增值自己對我嚟講更有意義同滿足感……」

本週一（二十二日）， CY女接受傳媒訪問，指曾經有 model公司接洽，因而寄上自薦信作回覆，解釋牽強。

梁齊昕承認情緒低落而𠝹手，事後 CY伉儷急飛英國探望女兒，並與長子傳昕一同參加細女頌昕於劍橋的畢業禮。

網絡紅人

CY女梁齊昕經常在 facebook語出驚人，又不時向網民挑機，熱爆！由於梁齊昕常惹來強烈批評，帖文大部分快速刪除，典型網絡快閃。

𠝹手自殘

6月底， CY女在 fb上載兩張疑似𠝹手自殘照，手腕上明顯有兩條紅痕，更留言：「 Will I bleed to death.」及「 I love blood.」，被懷疑自殘，引起網民哄動，數小時後 CY女已刪走照片。

Sell補習

9月，梁齊昕在 fb發文問有否家長需要中/小學補習導師，並標價時薪 300元，一對一兼高質素，帖文一出即被網民問會否教學生𠝹手，她亦馬上回罵對方「黐媽筋」，帖文不久被刪。

向網民挑機

10月，佔中行動進行期間， CY女在 fb貼上一幅黑超自拍照，向網民挑機「踏出中環有嘢做，認得我有種過嚟打我呀笨」，雖然內容好快就刪走，但網民一早 cap圖兼瘋傳，並鬧爆她同 CY一擔擔。

多謝納稅人

10月初， CY女又在 fb展示戴上飾物的自拍照，並以英文留言多謝納稅人資助她衣飾，過不久又刪除留言。

鬧爆被冒認

12月，齊昕被揭自薦做 model，引起公眾輿論， CY女即在 facebook發文，鬧爆有人冒認自己，但帖文不久亦消失得無影無踪。

反口告白

一直堅稱被人整蠱寄自薦信的 CY女，本週一接受傳媒專訪時，一改口風，承認自薦真有其事。

「 e-mail係我 send……好早之前有間 model agency搵過我，我只係禮貌上覆番佢，我冇話特別有興趣，只係俾人誇大咗。」將於聖誕後返回英國考試的 CY女，在訪問中更默認曾經𠝹手，「嗰段時間係我情緒低落嘅時候……思考上鑽咗牛角尖，做咗啲傻事。」

CY細女鳩嗚

比起梁齊昕低調得多的 CY細女梁頌昕，早前亦從美國返港放聖誕假。老豆梁振英忙為本週四、五到北京述職做準備，梁頌昕只好跟住特首夫人阿媽出動。

上週四（十八日）下午三時，兩母女約了朋友在中環 Cafe Landmark午飯， CY細女同友人雞啄唔斷，梁太唐青儀就忙住篤手機，不時眉頭深鎖；之後她接了個電話，要走先，離開前不忘行埋櫃枱，為囡囡同朋友結賬。

一直傾到五點先捨得走的梁頌昕，同友人分開後，走入商場內的 Tiffany行了一圈，但沒有收穫，之後坐港鐵落銅鑼灣繼續鳩嗚。第一站是時代廣場 Victoria's Secret，買香水，再去 Lancome買護膚品，跟住落 SaSa再掃。

記者上前問梁頌昕有關家姐自薦做 model的事，她笑住答：「唔知！」再追問家人會否支持梁齊昕從事娛樂圈工作， CY細女一味輕輕點頭，笑晒，又傾住電話迴避。