熱爆娛樂: [忽然1周 - 1013] 男友港視劇彈起　 48歲蘇玉華貼樓逼婚成功港視,蘇玉華,MW,

2014年12月26日星期五

[忽然1周 - 1013] 男友港視劇彈起　 48歲蘇玉華貼樓逼婚成功港視,蘇玉華,MW,

男友擋駕

周一（ 22日），記者就買樓結婚一事訪問蘇玉華，其間蘇一直笑笑口在車上唔出聲，反而潘燦良就笑得好開心，不斷代女友說話：「我車都未泊好，你哋行開啲先」

滾熱辣

男友港視劇彈起　 48歲蘇玉華貼樓逼婚成功

48歲蘇玉華（阿蘇）與有「劇團王子」之稱的舞台劇演員潘燦良拍拖逾 18年，感情牢固。可惜男友事業一直平平，直至近日，才憑着港視劇《來生不做香港人》擔正男主角成功彈起。

一直恨嫁的阿蘇見男友事業終於有起色，於是立即自掏腰包豪擲 750萬買下馬鞍山「迎海•星灣御」一個單位，並單方面對外宣布婚訊，實行出招逼婚。

阿蘇開心等嫁期，但對婚事半推半就的潘燦良，日前卻對本刊咁講：「佢都已經講咗嘞，唔通我話唔係咩？」使唔使咁無奈先？

750萬買愛巢

10月初，蘇玉華現身馬鞍山「迎海•星灣御」的售樓處揀樓，最後成功以逾 750萬元購入 22座一個實用面積 583方呎單位。

兩個月前，有人目擊蘇玉華在代理陪同下，低調現身馬鞍山新樓盤「迎海•星灣御」首輪開售現場。有指蘇玉華當日即時入票，並以 750萬元購入 22座一個實用面積約 583呎的中低層海景單位，由於蘇玉華剛買新屋不久，因此在土地註冊處仍未有顯示其買賣記錄。

貼私己築愛巢

蘇玉華與男友潘燦良多年來在西貢龍蝦灣租住村屋，忽然以私己錢買樓，據知因為男友終於應承與她結婚， 48歲的她嫁杏有期。「其實阿蘇用自己錢買樓，係因為佢試過同阿良（潘燦良）傾婚事嗰陣，阿良一直都吊兒郎當咁，又話想等自己事業有成，又話想買到樓先。其實阿蘇份人好慳家，所以咁多年嚟儲落一筆私己，佢肯掟錢出嚟，無非等阿良冇得再搵藉口。」知情人透露。

近日，港視接連播出由潘燦良主演的電視劇《選戰》和《來生不做香港人》，潘更首次在《來》劇擔正做男主角，極速入屋。昔日只是蘇玉華背後男人的他，事業終於漸有起色。

避忌走入屋

對於記者的問題，阿蘇邊行邊說：「買樓？你點 check都 check唔到我個名㗎！」然後偷笑一下，匆匆走入屋！

陪女友家庭樂

本周日（ 21日），阿蘇約家人到灣仔一酒樓飲茶，其間潘燦良與女友家人有講有笑，儼如一家人。

單方面宣布婚訊

等了多年，蘇玉華年紀已經唔輕（ 48歲），決定採取主動，早前出席活動時就自爆去年拍完劇後與潘燦良到日本旅行時，獲男友在火車上求婚。被問到是否想要一個白色婚禮？她即風騷回應：「都好，係都唔錯，隨時候命。」至於婚期，她就說﹕「黐起條筋就去結，反正都走唔甩。」

蘇玉華異常風騷，與以往少談感情的態度截然不同。知情人透露：「有邊個女仔唔想着婚紗嫁人？畢竟阿蘇都 48歲，佢屋企人成日問佢哋幾時拉埋天窗。之前阿蘇同阿良傾過咁多次都冇下文，今次阿蘇講笑話唔婚就分，嚇到阿良即刻應承。」

日前在港視活動中，潘燦良對結婚一事卻支吾以對，「唔…係呀係呀，佢都已經講咗嘞，唔通我話唔係咩？」表現尷尬，看來二人對結婚一事仍存在分歧。

日前（ 22日），本刊記者直擊二人同車回到現時的愛巢龍蝦灣茅莆村。一見到記者，阿蘇匆匆答了兩句便衝入屋，留下男友獨自應付記者問題。其間兩人對買樓一事口供有出入。

記：記者　蘇：蘇玉華　潘：潘燦良

記：係咪喺馬鞍山買咗層樓？

蘇： er……你點 check都 check唔到我個名㗎喇！

記：係咪你俾錢買㗎？係咪諗住用嚟做結婚新居？

蘇：呢間屋我住得好開心。

記：咁你哋計劃幾時結婚？