靚抽王
中女神頒獎禮
中女神，顧名思義，係中女之神。係囉，明明係中女，喺年齡呢項基礎上已經唔夠後生女鬥，但係唔知點解，近來呢啲中女卻大行其道，成為大眾心目中嘅女神。有見及此，我哋特登搞咗個頒獎禮，排名不分先後，叫做分析吓以下幾名中女有乜咁好。
何韻詩
年齡： 37歲
近期搞作：早前積極參與雨傘運動，仲成為文化監暴嘅一員，清場時有份俾人拘捕。近排聲稱有可能會參選立法會，令到好多年輕人都封佢為社運偶像。
優點：見義勇為、好 man
缺點：唔係人人都鍾意咁 man嘅女神的（不過我娛文樂覺得 ok㗎）。
張可頤
年齡： 45歲
近期搞作：喺港視劇《來生不做香港人》度飾演一名代表港人思想嘅知識分子，為港人代言。近日喺劇入面鬧爆殘體字同埋內地食狗肉嘅惡行，令到網民激賞。
優點：好戲、語言能力高（有高登巴打力讚佢英文、德文、法文都識，非常厲害）。另外，仲有巴打回帶話佢當年拍《難兄難弟》好可愛，好明顯佢嘅美貌都成為集體回憶之一。
缺點：好似有少少惡（高登巴打話佢 harsh）。
李心潔
年齡： 38歲
近期搞作：喺港視劇《選戰》入面擔正做女主角，飾演爭取民主做特首嘅葉晴，喺港人心目中已經成為民主嘅代表；喺現實中除咗幫賤男彭順湊女，明明件蛋散一而再再而三咁出軌都仲原諒佢，胸襟之大，非一般好身材女星可以相比。
優點：好戲、有母愛、極大包容力。
缺點：冇，個人認為佢係完美的。
民主女神
年齡： 128歲（ 1886年興建）
近期搞作：民主思想喺香港開始成為主流，港人力求真普選，仲帶挈上述幾位同民主或多或少有關嘅中女成為民主女神，都算出位喇啩！
優點：唔會老。
缺點：身處美國，遠水不能救近火，而且成日俾人屈佢係外部勢力。
頒獎禮
有樣學樣，學吓啲電視台、電台頒吓豬肉獎，等大家開心吓囉！
|
鍾意就快D Share啦！
|
|
|