網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年12月26日 星期五

[忽然1周 - 1013] 隆重介紹 荷里活蠟像館 MW,




歐洋風

隆重介紹 荷里活蠟像館

繼早前 hit爆世界嘅強國蠟像之後,一批荷里活蠟像正式出土。話明荷里活,梗係水準之作啦,不過四不像嘅亦大有蠟像在。其實似定唔似,好見仁見智嘅,正如警察係「慈母」定「持武」?哈哈,你哋話嘞!

《飢餓遊戲》珍妮花羅倫絲 激似度: 90%

近年上映嘅《飢餓遊戲》系列電影風魔全球,上周四( 18日),就有展館推出主角 Katniss(由珍妮花羅倫絲飾演)嘅蠟像,上至髮型下至服裝,似到孖生咁。只嫌稍為膠咗啲,不過粉絲都應該好滿意

真假難分

子女好與壞,在乎溝通與關懷;但蠟像呢,關懷有鬼用咩?最緊要,都係師傅手藝好。以下呢一批蠟像就話俾大家知咩叫「真假難分」!

英國歌姬 Adele 激似度: 80%

英國歌姬 Adele出名有把靚聲,更加出名有個豐滿身材。單睇蠟像個樣,似嘅,但望埋個 body,咦,瘦咗喎。莫非呢排俾粉絲抽水,太辛苦而 slim咗?

影后珊迪娜布洛 激似度:爆燈

由《生死時速》去到《引力邊緣》,大家對珊迪娜布洛應該毫不陌生。問題嚟嘞,究竟相入面係真人定蠟像?係咪分唔出呢?「鬼斧神工」咪就係咁囉!

小天后 Taylor Swift 激似度: 95%

小天后 Taylor Swift嘅蠟像同樣都好精細,白皙皮膚,修長玉腿同 trademark紅唇,似呀!唯一美中不足係多咗個底座,一望就知係蠟像呀!

估佢唔到

有逼真自然有醜到冇朋友嘅蠟像。總之一句到尾:你的師傅手藝如何,你的蠟像樣貌也必如何,講完。

基斯坦奴朗拿度 驚嚇度: 70%

唔止蠟像,就連銅像都出事。周日( 21日), C朗參加自己嘅銅像揭幕儀式。一開,嘩,貴姓吖?雖則人面全非,但雄風依舊, C朗好應該去叩謝神恩

珍妮花加納 驚嚇度: 95%

曾做《特務 A》、賓艾佛力老婆珍妮花加納有對兜風耳,呢一點,蠟像都有喎,不過其他部位就……有對比有真相,不解釋

金馬倫戴雅絲 驚嚇度: 90%

金馬倫戴雅絲笑容夠 sweet,但佢嘅蠟像犀利囉,樣唔似已經算啦,連甜美笑容都變得惡形惡相,完全係趕客之作。

威廉王子 驚嚇度:爆燈

講真,唔睇字齋睇圖,誰會想到呢個就係鼎鼎大名嘅英國威廉王子!呢位師傅嘅手藝,真係連小學生都不如。

羅拔柏迪臣 驚嚇度: 85%

施主,你雙目冇神,鼻樑歪而斜,髮線又齊得離奇,邊個估到,原來你就係《吸血新世紀》嘅靚仔殭屍羅拔柏迪臣?

辛康納利 驚嚇度: 95%

做過「占士邦」嘅辛康納利,曾幾何時都風流倜儻㗎。乜個蠟像搞到皺晒皮、長期曬傷咁款呀?蠟像造型師真係大整蠱嘞。

碧咸夫婦 驚嚇度: 95%

碧咸係型佬一個,碧咸嫂雖然天姿差少少,但 keep住進化,都算見得人呀,何解同一對夫婦,蠟像竟然可以差咁遠?

激似度: 90%



鍾意就快D Share啦!