熱爆娛樂: [壹週刊 - 1292] 孫佳君送上門任搞　伸脷舐耳摸肉髀 Olivier 孫佳君,M1,法國大廚

2014年12月11日星期四

[壹週刊 - 1292] 孫佳君送上門任搞　伸脷舐耳摸肉髀 Olivier 孫佳君,M1,法國大廚

啜爆

4/12　不消半小時，孫佳君已經半醉 high爆，任由對方魚肉，上演慾火真人騷。

娛頭

孫佳君送上門任搞　伸脷舐耳摸肉髀

淡出幕前十年的孫佳君， 09年與富貴男友劉貴喬分手後，獨力照顧一對兒子， 12年簽約英皇復出。重新掛牌，已經 40歲的孫佳君保得住副偈，保唔住個樣，始終要做吓手腳，執一執。咁積極，原來搵到新目標，新歡是米芝蓮級法國大廚 Olivier，為箍實比自己後生五年的男友，孫佳君公然在餐廳當眾同對方伸脷濕吻、舐耳、摸大髀，送上門任搞！

旁若無人

戰鬥格孫佳君，最近成功搵到第二春！據了解，新歡是三星米芝蓮大廚，現年三十五歲的 Olivier，二人在四個月前撻着。

上週四（十二月四日）晚，身穿迷你短裙悉心打扮過的孫佳君，摸上門到男友主場，位於銅鑼灣利園二期的法國餐廳「 Seasons by Olivier Elzer」。

「 Olivier每次都會安排孫佳君坐出露天花園近暗角位張枱，仲會一坐低就先開支香檳，跟住就攬到實一齊坐，佢哋都好 open，冇乜避忌。」一名餐廳熟客說。

現場所見，兩人不時細聲講大聲笑，互相餵食玩自拍一支煙兩份扯，所有煙靭動作有齊。全晚兩人香檳當水飲，唔夠一陣，已經情不自禁攬埋一嚿，又啜又錫，無數次打茄輪， Olivier更肉緊到伸脷舐耳，孫佳君全面配合，任啜任舐。

其間，有個熟客坐低，要同 Olivier飲番杯，但慾火男女根本停唔到，完全無視對方存在，繼續攬埋一嚿 high爆激嘴，熟客坐了一陣，尷尬離開。

愈嘴愈鬆懈！孫佳君索性攤在梳化上，此情此景， Olivier更加慾火燒心，忍不住𠌥低身，箝實女友狂嘴，更有所動作，郁手摸，二人如入無人之境。

慾火愈燒愈猛烈， Olivier急急埋單，行到歪晒但一臉春樣的孫佳君攬實男友，同坐的士返 Olivier寓所，繼續玩。

人肉枕頭

舐耳

半醉孫佳君肉緊攬實 Olivier離開，堂堂大廚亦不忘幫佢拎埋手袋。

鼻貼鼻

甫進餐廳，孫佳君無視旁人目光，頭貼頭姣電老外。

行唔到直線的孫佳君，在餐廳肉搏兩小時後，由 Olivier陪坐的士回家再大戰。

做埋股東

據了解， Olivier於飲食界甚有名氣，餐廳「 Seasons by Olivier Elzer」亦以他做生招牌，為留住這個三星大廚，餐廳大股東更讓他入股做埋老細。

「 Olivier其實唔使點落手做，主要負責試食，監督食材同分量，返工放工時間好 free，無人可以管佢。孫佳君都嚟得好密，每星期最少兩晚，平時 Olivier好少親自下廚，但每次孫佳君嚟就一定自己落手落腳準備，次次食完飯佢哋都會坐去個暗角位，傾吓傾吓就嚟料（親熱），餐廳嘅員工都知佢哋係一啤， Olivier同孫佳君都好似冇乜所謂咁，好公開！」知情者說。

5/12

相距五年，為咗拉近與 Olivier距離，早前孫佳君面部大修葺，一度以瘀眼示人。

翌日，嘴角含春的孫佳君，從後跑上，驚喜接放工。

引郎入室

久旱逢法國甘露，孫佳君同男友幾乎日見夜見。翌日（五日）， Olivier收工後急急腳撲返銅鑼灣寓所換衫，再拎住一大袋甜品外出會合女友，一見到六呎幾高，大大隻隻的 Olivier，孫佳君猶如餓虎見到羚羊，馬上跑前飛撲，當街從後擁抱。

之後二人拍拖行去敬誠街攞車，孫佳君揸住價值一百二十萬銀色 Benz，做埋柴可夫載住男人返回自己位於山頂甘道寓所，閂埋門搞足四十八小時，冇再外出。

人前激吻

啜手指

扭錫錫

每月一劑

女人四十，加上生過，要保住索樣，孫佳君花盡心思金錢，進行維修。

「孫小姐平均一個月就嚟執一次，打針豐唇、蘋果肌、 botox去皺、瘦面針，全部都有做，次次都要過萬蚊埋單，早排俾記者影到眼腫腫嗰次佢打咗 sculptra，用嚟去眼部皺紋，一針都萬幾蚊。」一名美容院職員透露。

要泊個好碼頭，孫佳君投資執樣回春，事在必行。

入行以來，孫佳君都以拋胸露肉，行性感做賣點。（《忽然 1周》圖片）

當年，與有婦之夫的羅兆輝愛得轟烈，二人脷疊脷的濕吻照更被公諸於世。

孫佳君與情敵 Danielle曾先後與羅兆輝傳緋聞，去年，二人同場出席活動大方合照及大談湊仔經。

（《蘋果日報》圖片）

○九年，與富商劉貴喬分手後，孫佳君母兼父職，獨力養子（紅圈示）。

愛得痴纏的孫佳君，不時開着百萬 Benz跑親自管接送。

貴為星級餐廳大廚的 Olivier，平日出入大多以綿羊仔代步。

廚界新寵

祖籍法國的 Olivier Elzer，來自廚藝世家，祖父曾任俄羅斯沙皇御廚， 15歲已入廚的 Olivier，師承世紀名廚 Pierre Gagnaire和 Joel Robuchon。 07年獲法國飲食指南《 Gault Millau》選為全法國 22位最優秀年輕廚師之一。先後在 10間米芝蓮星級餐廳工作過的 Olivier， 10年及 12年分別帶領香港文華東方酒店的 Pierre餐廳以及中環 L'atelier de Joel Robuchon摘下米芝蓮 2星及 3星。

今年 7月年僅 35歲的 Olivier，自立門戶，由希慎集團邀請，於銅鑼灣利園 2期開設 Seasons餐廳，不到半年，已獲 2015年香港澳門米芝蓮指南一星殊榮。餐廳佔地八千呎，打正旗號以四季做賣點，並以春、夏、秋、冬不同季節的裝潢，區分出不同的用餐區，因應時令食材變化，做出極具季節性味道的菜式。

一時之快

藝人都係人，慾火焚身，失控在公眾地方上演情慾真人騷，搞到賠上事業感情名譽，一時之快，有代價！

梁榮忠車震

05年，梁榮忠背住拍拖 8年的女友鍾麗淇，四日連𠝹電視台四個女藝人，包括送朱慧敏返回銅鑼灣住所期間，將車停在暗角，啜、搞、錫，車震半小時，女方落車時更衣衫不整。

倪震啜大學生

08年 12月，在蘭桂坊夜店啜爆內地來港讀書的張茆，之後同周慧敏發聯合聲明公告分手，但數日後戲劇性地宣布同女友拉埋天窗。