[壹週刊 - 1292] 眾叛親離 經理人劈炮避關淑怡 關淑怡,M1,

現年 14歲的關浚賢，已經高過媽咪大半個頭。

探熱針

眾叛親離　經理人劈炮避關淑怡

作風古怪的關淑怡，近年不時在網上鬧爆網友，甚至連幫她接 job的自己友亦不放過，極之失控。

據了解，雙方沒有合約，純粹友情幫手，為關淑怡義務做經理人的 Marianne（黃敏慧）亦因對方愈來愈難侍候，唔想連朋友都冇得做，決定做完本月底的美國演唱會後劈炮。

出發去美國前，關淑怡做廿四孝阿媽，陪高自己大半個頭的囝囝關浚賢，加埋兩個朋友睇西片《星際啟示錄》，一行人先到 food court醫肚，其間薯條大啖食，有講有笑，完全未有因為眾叛親離，影響心情！

吃力不討好

上月中，關淑怡因不滿工作人員當眾指她不是，竟在 Instagram爆粗鬧爆對方。

據知，這個幫她接 job的工作人員，其實是經理人 Marianne（黃敏慧）旗下一位員工；由於事件始末是關淑怡出發去登台，連搭飛機都遲到引起，但她卻惡人先告狀，加上合作以來吃力不討好，幾經考慮， Marianne決定唔再幫關淑怡接 job。

「 Shirley愈來愈神化，成日小小事唔理原因，只要唔順佢意就係咁鬧，我哋一班朋友同 Marianne講咗好多次，叫佢同 Shirley斬纜，免得連自己都俾佢鬧埋，話口未完，公司個 staff就俾 Shirley喺 Ig（ Instagram）狂抦。 Marianne本身百足咁多爪，同 Shirley合作純粹幫手，明知遲早出事，唔想朋友都冇得做， Marianne已經提出唔再幫佢，做埋年尾喺美國個 concert，就正式拜拜。」 Marianne身邊人透露。

Marianne以朋友性質充當關淑怡的經理人，去年兩人連同周麗淇一同出席曾志偉 60歲生日。

上月關淑怡在 IG私人賬戶內，指自己被工作人員當眾指罵，對方正是 Marianne旗下的員工。

早前挺胸露肉為張敬軒演唱會做嘉賓的關淑怡，月底去完美國開演唱會後，便結束同 Marianne的經理人關係。

（《蘋果日報》圖片）

在戲院內關淑怡專登行開，讓囝囝同朋友慢慢傾。

上月關淑怡拖住內地主持李佳念現身頒獎禮，相距廿二年的母子戀哄動一時。

做媽咪稱職

嚇走埋經理人，明年一月的寶麗金廣州騷，又因為之前在馬來西亞一役遲大到被飛出局，但四十八歲關淑怡天跌落嚟當被冚，話之！

早個禮拜，關淑怡與朋友去機場 UA IMAX睇《星際啟示錄》，比媽咪高大半個頭的囝囝關浚賢也有同行，一行四人先在機場的 food court醫肚。

食到近八點，關淑怡戴番副黑超行去戲院，朋友負責買飛，關淑怡叫囝囝幫手買汽水、爆谷，她自己則負責踱步。可以失控在 Ig上潑婦罵街，但對住已經十四歲的囝囝，「癲得」關淑怡始終盡忠職守。

關淑怡母子全程密密傾，毫無代溝，做仔的還不時擺甫士逗媽咪開心。

素顏面黃的關淑怡，邊傾電話邊食薯條，津津有味。

鍾意就快D Share啦！

下一篇 》