金剛成功拍住獎門人大碼頭，原本發展都算平步青雲，不過家陣余黨天下，屬志偉黨嘅梗係冇得留低。
真面目
誅九族 「山姐」剷異己 金剛冇運行 蕊蕊：佢搵少咗！
寧得罪小人，莫得罪「山姐」！唔係山草藥，噏得就噏㗎！好似啱啱開完棟篤笑嘅阮兆祥，因為開口撐港視，結果被大台秋後算帳，被飛出《歡樂滿東華》，祥仔女友 Crystal就在 fb話：「莫非真的得罪咗《山》姐……？」
余詠珊權力愈來愈大，連傳出與她反晒面嘅曾志偉，其「志偉黨」一樣冇啖好食。好似金剛咁，忽然在綜藝節目冇咗影，最近搞到要轉拍劇捱騾仔，新劇《張保仔》仲淪為大茄，又試過因為遷就劇組檔期推走唔少 job。收入大不如前，連女友都要出句聲，陳蕊蕊話：「呢排佢（金剛）搵少咗（錢）！」
余詠珊未同曾志偉反面前，金剛拍住志偉，工作一直有增冇減，主持嘅《超級無敵獎門人終極篇》同《街坊廚神》都有高收視，當時搵唔少㗎！不過家陣轉由余詠珊揸大旗，同志偉又唔啱嘴形，金剛就做咗犧牲品囉。
主持之路愈撈愈霉，金剛喺台慶只係被安排行行企企，相比上年擔正主持，真係差天共地。
「 outside job少咗！」
綜藝冇運行，不過金剛馬死落地行，最近轉撈拍劇，喺新劇《張保仔》都係做大茄。
本週一（ 8日），本刊致電金剛女友陳蕊蕊，問到是否因為金剛係「志偉黨」而被余詠珊冷落，佢就迴避話唔關事，但就承認金剛搵少咗好多 job，她說：「佢有同我講過佢呢排開緊劇， outside job係少咗，試過有幾個 job搵佢，因為劇組 hold咗個期，最後搞到要推咗，佢係搵少咗嘅。雖然少咗 outside job，不過佢話拍劇就預咗，套劇出街後就會多番啲 job，係一個循環！」好聽啲咪叫等收成，唔好聽咪叫等運到囉。
何罪之有？
一齊講多次，寧得罪小人，莫得罪「山姐」！呢句說話好啱用喺𠵱家嘅大台，綜藝科總監余詠珊手揸大旗，座右銘就係排除異己，安插自己黨派人員，即係順佢者生，逆佢者亡！其實方丈份人好小器，何罪之有？
|
鍾意就快D Share啦！
|
|
|