【肺部做過四次手術】與張繼聰在家研究功夫 人妻Kay吊威吔 chok親肋骨
2014-12-03 07:20:00
（攝影：文國駿）
人妻謝安琪（Kay）噚晚着住約七吋高踭鞋，出席演藝學院舉行嘅花火音樂會，Kay話家中大部份鞋，每對都有成六七吋，佢笑言係「新里程碑」：「出道時我着一兩吋高踭鞋都會仆親，經歷十年訓練，0依家可以挑戰七﹑八吋呢啲鞋，我覺得略有所成，係用時間浸淫返嚟，屋企小朋友唔好亂試。」
講到近排不停練功夫及吊威吔？Kay話：「我冇乜功夫根柢，所以覺得好好玩，樣樣都新鮮，學打拳﹑吊威吔空中做動作，自我陶醉一番。」
咁有冇整親？佢話：「冇，不過吊威吔的確好痛，尤其係我個肺傷過，做過四次手術，其實嗰啲吊威吔紮住腰封，係會chok親我肋骨，導演都好好，佢特登安排我訓練時間，睇下我適唔適應到，應唔應付到，有冇嘢學到保護自己，佢哋抽時間教我呢啲嘢。」
咁老公張繼聰怕唔怕佢整親？Kay笑言：「佢比較驚我太叻囉，0依家暫時嚟講，我哋崇拜佢，因為覺得佢耍同一套拳，哇﹗耍出嚟好有型，但係萬一如果我天生有慧根，一click着咗原來我打功夫好了得，佢就冇咗呢個地位，佢比較擔心我武學奇才。」
咁0依家打成點？佢話：「我睇返啲相，暫時比陸永好少少，佢主力喺表情方面贏返大家，表情相當唔錯，大家主要留意佢精緻五官就夠。」
問到老公張繼聰有冇教耍拳？Kay表示：「識功夫同唔識功夫嘅人爭好遠，點樣擺個架，手踭係沉踭，好多嘢睇，佢喺屋企攞好多珍藏出嚟，係功夫界別珍藏，同我細心研究，好多女演員都做得好，好似章子怡，佢擺嘅姿態，你睇到佢用時間，有嗰種令人信服魅力，佢（張繼聰）話我係短途速成，但要聰明地走精面嘢，主力學呢啲﹗」
Kay話已經習慣咗着七吋高踭鞋。
謝安琪噚晚出席蘇永康婚宴，呢個甫士及嘟嘴仔表情，係咪好正先？（微博圖片）
（微博圖片）
|
鍾意就快D Share啦！
|
|
|