2015年1月15日 星期四

[壹週刊 - 1297] 大胸又聽話 林建名 encore陪食 林建名,BKD_S,M1,




林建名親口承認,汪靖宜聽教聽話,因此御准再陪食飯。

探熱針

大胸又聽話 林建名 encore陪食

曾經兩度為何傲兒落淚的林建名,情場上重新振作,繼婷婷同台妹 Alice後,最新頭寵,有旗下巨咪新人汪靖宜。

繼一四年陪七十七歲林大少出席「仁濟醫院除夕倒數慈善餐舞會」,上週六(十日)再陪老闆到佐敦撐枱腳,然後繑住手直落油麻地巡鋪,汪靖宜陪食陪玩,有樣有身材,難怪林大少開腔大讚:「好聽話囉!」收到。

胸壓招呼

女伴氹氹轉的林建名,上週六(十日)晚上九時,在公司新人汪靖宜陪同下,在佐敦道的普光齋撐枱腳。餐廳晚市,主力做一百二十元加一的自助餐,但身家億億聲的林大少,選擇叫餸食飯。兩個人四個餸,夠晒豐富,但陪食的汪靖宜食到托晒頭無心機,似乎齋菜唔啱後生女胃口,但林大少卻自得其樂,大啖食相當滋味。

食到晚上九時半,在保鑣陪同下,汪靖宜繑實林大少離開齋鋪,坐車前往附近的油麻地鱷魚恤門市巡鋪。一行三人在門市的轉角落車,汪靖宜單手繑實再胸壓林大少一齊行,在店內巡了一圈,逗留約五分鐘便離開,林大少先行送汪靖宜返回文昌街寓所,之後再離開。

除夕夜,林建名帶住巨咪汪靖宜出席倒數派對見傳媒,更即席為對方拍照留念。(《蘋果日報》圖片)

(《蘋果日報》圖片)

四餸齋菜唔啱胃口,汪靖宜食到無厘表情。林建名則闊佬懶理,掛住撩部長吹水。

讚聽教聽話

一四年除夕夜,汪靖宜首次獲林建名「點燈」,陪同出席中環四季酒店的「仁濟醫院除夕倒數慈善餐舞會」,當晚她以透視裝晒巨咪亮相,林大少更充當攝影師,為她不停影靚相。

本週二(十三日),人在外地的林大少大方承認汪靖宜陪食飯,「嗰晚冇嘢做……佢係公司新人,做完嘢,陪食飯。(見你帶汪靖宜巡鋪)我順便啫,佢屋企喺附近。(身邊靚女好少循環再用,係咪汪靖宜有過人之處?)係呀!佢聽話囉!即係話我哋教佢嘅嘢,佢肯做囉!(未來都會搵佢做伴?)未知㗎!我冇人陪嗰時,佢又得閒,咪搵佢囉!」據大少透露,現正接受唱歌訓練的汪靖宜,稍後會重點在香港發展歌唱及跳舞事業,坦言現階段「未得㗎」的汪靖宜,最快在半年後有望派歌。

汪靖宜開行 turbo放生電,落力討好林大少。

在保鑣陪同下,汪靖宜表現更熱情,胸壓攬實林建名,行入鱷魚恤巡鋪。

巡完鋪冇下場,林建名送汪靖宜返回佐敦文昌街住所,再自行離開。

去年十一月何傲兒同周子揚鬼祟遊首爾斷正,女方依舊不肯承認戀情。

同何傲兒結束「爺孫戀」後,林建名出訪台灣,搵來 36D台妹 Alice伴遊散心。



鍾意就快D Share啦!
Related Posts Plugin for WordPress, Blogger...