2015年1月15日 星期四

[壹週刊 - 1297] 身兼四職  200萬開美國餐廳 張美妮過老闆癮 美妮,張美妮,M1,




做老闆娘好過癮!(設計對白)

探熱針

身兼四職  200萬開美國餐廳 張美妮過老闆癮

前年同拍拖多年的髮型屋老闆 KK黃偉強結婚,張美妮眼見演藝事業未有突破,做來做去都是二、三線角色,為了平衡生計,張美妮除了幫老公打理髮型屋生意,自己再另外開設美式餐廳,寧願捱貴租,都要為出路搏一鋪。

趁低吸納

前年與髮型屋老闆黃偉強( KK)結婚,張美妮除了繼續演藝工作,亦會抽調時間,打理老公的髮型屋,巡鋪兼做生招牌,「 KK可以話係佢貴人,○八年拍拖冇耐, KK已經俾美妮入股,仲教佢做生意,當時撞正金融風暴, KK趁低吸納分別喺將軍澳區同荃灣開咗四間分店, KK就响背後發功,教美妮點樣經營一盤生意。」知情者說。

圈內不少人如趙永洪、張嘉兒及商天娥等,為捧美妮場,走去沙田普通屋苑商場開餐。

美妮開設的美式餐廳位於沙田置富第一城商場,主打海鮮及燒烤扒類。千呎鋪位,租金約十萬。

父母情意結

除了做髮型屋老闆娘,最近更涉足飲食界。據知,美妮父母以前經營餐廳,年前敵不過昂貴租金而被迫結業。既然屋企人有做飲食經驗,一三年美妮租下沙田置富第一城的商場,開了「 American Seafood and Grill」美式餐廳。

「間餐廳係為父母而開,當初爸爸喺餐廳幫人打工,後來自己開鋪做老闆養起頭家,我細個放假都會落餐廳幫手,好有情意結,但間鋪金融風暴後加租加得好犀利,搞到要執笠。其實我老公除咗做髮型屋,都想做多樣生意,咁爸爸經驗夠而且又肯幫我哋,所以先決定開。餐廳投資始終係大事,要投資二百幾萬,我哋目標想做到連鎖式經營,不過都要睇定啲再計劃點做。」張美妮說。

拍劇、主持、髮型屋,仲要搞餐廳,身兼四職,張美妮卻樂在其中,「剛剛開鋪比較忙,咁啱喺聖誕節前幾日開張,當時又請唔夠人,自己都要落手落腳做埋,而家上咗軌道,好好多喇!」張美妮說。

圈中人緣好,美妮與同期訓練班出身的同學仔如楊怡、徐榮、趙永洪等人非常老友。

KK一直是美妮的背後軍師,教曉她不少生意之道。他每日揸跑車返髮型屋巡視業務。

一三年十一月,美妮與圈外男友 KK結婚,並在巴黎影婚紗照。

近年在《心路 GPS》、《師父•明白了》等劇集中,美妮終於有機會當上二、三線女配角。

靠食出位

張美妮 99年參加第 13期無綫電視藝員訓練班入行,同期同學有楊怡、林峯等人。訓練班畢業後便加入無綫電視,開始主持兒童節目《閃電傳真機》、《至 Net小人類》和參演無綫電視劇集。張美妮早期多演路人甲角色,直到 2009年,才開始當上二、三線女配角,現時是導演陳耀全專用演員之一。但講到觀眾最印象深刻,是張美妮擔任過不少飲食節目主持,例如《日日有食神》、《怒食街頭》等。



鍾意就快D Share啦!
Related Posts Plugin for WordPress, Blogger...