[壹週刊 - 1297] 女一大晒 袁嘉敏走奶 鎮 Jeana 袁嘉敏,Jeana,BKD_S,M1,

走奶露點，袁嘉敏夠晒搏。

探熱針

女一大晒　袁嘉敏走奶　鎮 Jeana

在新片《鴨王》中露點擔正的袁嘉敏，自電影開拍以來，盛傳當事人恃住女一態度囂張，遭同片的 Jeana發起全民杯葛行動，唔妥到出面。眼見近日死對頭與 Dominic（何浩文）戲中肉搏場面成為宣傳重點，自覺被搶風頭的袁嘉敏，於是向電影公司「詐型」，為息事寧人，公司唯有將袁嘉敏的露點照提前曝光，讓她以 36D人間胸器，顯示女主角地位。

睇準時機

擁有 36D人間胸器的袁嘉敏，去年初離開大台，轉投 Paco黃柏高太陽娛樂旗下，已表明為了在影壇大展拳腳，願意全面豁出去配合。「唔太介意全裸，三點全露都 OK！」袁嘉敏親口說。想一脫成名，但袁嘉敏好小心，之前電影《豪情 3D》原本有機會露點演出，但眼見同片的日本 AV女有 cup數又夠搏，擔心容易比下去之餘，加上只是客串性質，片酬友情價，袁嘉敏諗過度過，最終一口拒絕，力保兩點。直至王晶開拍《鴨王》，講明俾袁嘉敏擔正女一，片酬同戲份有番咁上下，經四日考慮，終落實全裸演出。

十五度，暈住船浪做瑜伽，袁嘉敏表示辛苦過同男主角埋牙肉搏。

擁有 36D人間胸器的袁嘉敏，一招雙手引體，令逼爆的心口現出四吋深坑，效果噴血。

去年初露半球同杜汶澤合演《豪情 3D》的袁嘉敏，嫌電影不夠發揮，臨埋門拒露點演出。

唔妥死敵

至於與男主角 Dominic（何浩文）的兩場埋身肉搏重頭戲，早在去年十一月已經完成，「當日拍攝時現場有十幾個工作人員圍住我囉！好似俾大家睇晒咁！」雖然有「現場觀眾」，但電影公司為保密劇情，當日未有安排攝影師影劇照。

現在電影開畫在即，眼見公司只着重宣傳死對頭， Jeana又有劇照見報，女一變路人甲的袁嘉敏，忍唔住同電影公司詐型，要求將宣傳焦點，放回自己身上。「無計啦， Candy（袁嘉敏）兩場重頭戲都冇跟場攝影師，齋 talk露點，吸引力唔夠，而家唯有將電影嘅露點戲提前曝光，等 Candy條氣可以順番。」電影公司人員說。

Jeana淡妝飛 bra，頻頻以北半球示人，吸睛度絕不比女一的袁嘉敏弱。

與同門師弟喇英床戰，由除衫到肉搏過程順利。

踩住三吋高踭鞋扮暈的 Jeana，期間踩中喇英腳背，令對方爆缸見紅。

灌酒埋位

除了肉搏床戲，袁嘉敏著三式，在十五度低溫下於遊艇上做瑜伽，同樣令她印象深刻。「好凍，又驚跌親，遊艇停嘅位置好近民居，不時又有其他遊艇載住廿幾人响旁邊經過，返上岸好尷尬。」袁嘉敏說。

相比之下， Jeana開工輕鬆又愉快得多，除了 Dominic，另一肉搏對手喇英，由於是同門師弟，大家一早熟落，拍戲分外有默契。劇情講 Jeana被迷姦，電影公司特別安排相關資料俾 Jeana參考，到正式拍攝，導演更提議兩個飲完酒先埋位。「同喇英邊飲邊研究除衫、走位，好快已經 get到個感覺，無諗過咁快導演已經收貨，拍得好舒服，好 high！」 Jeana說。

首次擔正的 Dominic，操到心口脹卜卜，更「加料」變巨鵰。

去年底電影開拍，有指袁嘉敏變孤獨精，被 Jeana等人群起杯葛。

鍾意就快D Share啦！

下一篇 》