Kayden眼大面尖，同爸爸黃浩然好有父子相。
同你吟一吟
三個老豆 洪天明陳浩民守行為 黃浩然一個夠晒數
家有老婆細路，但洪天明、陳浩民依然俾人發現背妻偷食。要做番好老公呢份工，準時交人、多啲陪老婆，自然唔少得。
早個禮拜《壹》仔撞見陳浩民同老婆，仲有 3歲大女 Cyrus中環遊。囡囡推住架玩具 BB車，响人來人往嘅中環，當然寸步難行。怕囡囡碌到人隻腳，陳浩民叫老婆氹囡囡食包，自己就幫手抬起架玩具 BB車。
做老婆同囡囡嘅御用「阿四」，仲有洪天明。太太周家蔚佗第二胎，响大陸開工嘅洪天明，趁有時間返嚟香港，一家三口去九龍城買膠箱。
幫手搬搬抬抬，洪天明自爆遲吓返大台拍劇，雖然唔使中港兩邊走，但講到賺奶粉錢，始終搵人仔最好。
至於同樣係星級老豆嘅黃浩然，跟形象指導太太 KaKa有兩個囝囝，早排兩公婆帶住大仔 Kayden去超市掃貨。入行咁耐，黃浩然一直零緋聞。囝囝可以生多個，但老婆，黃浩然一個夠晒數。
|
鍾意就快D Share啦！
|
|
|
