2015年1月15日 星期四

[壹週刊 - 1297] 抗癌成功 梁潔華復工做保險 梁潔華,M1,




黃芷晴繑實媽咪行街,康復良好的梁潔華明顯肥咗及面色唔錯。

探熱針

抗癌成功 梁潔華復工做保險

黃日華太太梁潔華, 13年底證實患「急性骨髓性白血病」,先後接受五次化療,去年六月完成最後一次化療後,癌細胞指數成功得以控制,現已完全康復。之後梁潔華轉以中醫調理,身體狀態進展良好,近日更加復工,重回保險工作崗位。

向黃芷晴求證媽咪復工一事,她說:「其實舊年醫生都會叫媽咪唔好去人多嘅地方,但而家無事,可以去戲院睇戲,之前仲參加咗一個狗狗 gathering,同三四十隻狗一齊玩都無問題,已經好番晒!」

中藥保健

自從患上俗稱血癌的「急性骨髓性白血病」,梁潔華一度要緊急入院接受治療,經過五次化療療程,不但抗癌成功,近日更重返保險工作崗位。

向黃日華寶貝女黃芷晴求證,她承認媽咪已完全康復,「之前只係電話同啲同事聯絡,最近開始返番工,一個星期大概返兩三日,可以冇咁悶嘛!」

自從去年六月,接受完最後一次化療療程,梁潔華體內癌細胞指數已經得以控制,現時只須每三個月返醫院做定期身體檢查。「已經唔使再食西藥,轉咗睇中醫調理身體!其實舊年醫生都有叫媽咪唔好去人多嘅地方,但而家無晒事,已經可以去戲院同睇大戲,聖誕我有陪佢睇《翻生侏羅館》,已經成年冇入過戲院,之前媽咪仲帶我哋隻狗,參加一個狗狗 gathering,嗰度有成三四十隻狗,都冇問題,佢已經好番晒!」黃芷晴說。

半年前

剛完成最後一次化療,要戴口罩遮倦容。

三哥三嫂銀婚紀念,梁潔華亦有出席。

買袋送老公

上週二(一月六日),精神飽滿的梁潔華,一個人行入中環 Coach,原來女兒黃芷晴已在店鋪上層等她,兩母女由女裝睇到男裝,其間芷晴不時將自己手機的訊息和媽咪分享,兩母女有說有笑。

經過細心挑選,梁潔華揀了一款女裝手袋,還有一個男裝背包送給老公黃日華。之後由黃芷晴做苦力,攞住大袋戰利品,繑實媽咪一齊行去中環廣場取車,由梁潔華駕車載女兒返回比華利山寓所。

除了復工做保險,梁潔華平日亦節目多多。「媽咪活動仲多過我,約人飲茶又去唱大戲,每個禮拜我哋都會同親戚有聚會。」在剛過去的除夕夜,因黃日華要回內地工作,黃芷晴於是留低陪媽咪,在家吃飯度過。

早前出席 Coach活動,獲贈不少禮券,乖乖女黃芷晴陪媽咪去揀袋,買了一個手袋給媽咪及背包給爹哋,反而自己無份。

母女感情要好,等候店員期間,黃芷晴更將手機短訊給媽咪睇。

梁潔華攞住部 iPhone 6 Plus邊睇邊笑,心情大靚。

計劃旅行

身體逐漸復元,同日夜晚,苗僑偉戚美珍舉行「銀婚紀念派對」,黃日華與太太一同拍拖出席到賀。問黃芷晴會否和媽咪出外旅行,她坦言有計劃去短途 trip。「因為啱啱接咗套內地劇,農曆年前就要開工,可能要拍三四個月,等工作時間表出咗,或者去個短途 trip。」

媽咪捱過辛苦的一年,黃芷晴更珍惜陪家人的時間,接拍這部珠江電視台新劇,全因劇集大部分時間在香港取景。「到時媽咪探班都好容易。」黃芷晴說。

雖然體力逐漸恢復,但行斜坡,梁潔華仍要捉實女兒手臂借力。

半年前開始以中藥調理,梁潔華近日已復工做保險,仲可以做埋司機接載愛女。

梁潔華抗病一年打勝仗,華哥終於放下心頭大石。

今年除夕倒數,黃芷晴日間做完婚紗騷,即趕返屋企陪媽咪迎接 2015。

母女到便利店買水及雜誌,芷晴細心打開大紙袋,俾媽咪將雜誌放入內。

抗癌勇士

13年黃日華太太梁潔華證實患上「急性血癌」,但她一直勇敢面對,在浸會醫院接受化療,曾一度入住隔離病房,其間試過無法進食要吊營養液,體重由 120磅暴跌至 97磅,抗癌療程令她元氣大傷,出現甩頭髮現象,老公黃日華及女兒黃芷晴一直陪伴左右,每日頻撲出入醫院,醫藥費每月平均花逾三十萬。出院後,黃日華為免受騷擾,安排老婆入住沙田凱悅酒店安心養病,之後又搬進比華利山風水樓,希望搬屋為老婆改運。直至去年 6月,梁潔華完成五次化療療程,康復進度理想,現已重投工作及社交生活。

黃日華去年曾安排太太入住沙田凱悅酒店休養。

去年九月由雍怡雅苑搬入比華利山。



鍾意就快D Share啦!
Related Posts Plugin for WordPress, Blogger...