2015年1月15日 星期四

[壹週刊 - 1297] 痛愛兩年分手 獨家毆傷照曝光 江希文:我好辛苦 江希文,M1,




娛頭

痛愛兩年分手 獨家毆傷照曝光 江希文:我好辛苦

現年 43歲的江希文( Liz),早前被踢爆跟年長她二十年的資深大律師男友胡漢清分手兩個多月,有指替男方誕下一女的她,要求每月六位數字贍養費,兼霸住億元沙宣道大宅唔肯搬走。

本刊獲得一張無名無分的江希文被毆求醫的相片,清晰見到其腹部位置有半呎瘀傷。據了解,江希文產前產後受盡折磨,表面風光的她,平日要煮飯兼做埋司機,佗女五個月,被送去英國等生,還經常被人粗言辱罵,令情緒波動。

去年四月,江希文帶女回港,其間不單只受傷求醫,加上長期精神受虐,零收入,又要湊女,幾近崩潰的江希文,不得不選擇回復單身。

幾乎流產

江希文跟胡漢清一二年底訂婚,當時女方已懷有女兒 Natalie一個月。即使年齡相距廿載,但當日眼見胡漢清以搞歌舞劇為由安排認識,以及第一次見面就展示銀包存放她的照片,以為幸福從天而降,但事與願違。

隨着肚皮愈來愈大,加上爆出跟「奶奶」莊楚穎爭產不和新聞,有五個月身孕的江希文隻身到英國待產,不能與所有朋友聯絡,封鎖大肚消息。在英國人生路不熟,加上四十三歲的江希文屬高齡產婦,在英國期間一直未被安排接受產檢,令產前的她十分擔憂。

「有人最初同 Liz講,只係喺嗰邊生 B,之後有人中途突然堅持响 Stevenage買屋, Liz覺得暫住冇必要,慢慢就知道要長期獨留異地生活。新屋要裝修, Liz大住肚日日聞油漆味,因為唔請工人,佢要負責全屋清潔,每個櫃桶都要加櫃墊,大肚婆趴低做足一日,差啲搞到流產。

「事事要得到批准,高齡產婦嘅 Liz,遲遲都未搵到醫生,冇人理佢係咪高齡產婦,搞到佗到三十一週都冇做產檢,之後佢自己搵醫院,點知唯一一次陪佢見醫生,有人問醫生可唔可以生完仔順便做埋絕育手術,當時 Liz聽到好傷心。」

7/1

一月七日,爆出二人分手消息前,她一身師奶 look到鴨脷洲,其間有人給她一疊紙皮箱,之後運回沙宣道大宅。

江希文指住左腹瘀傷位置。

瘀傷有半呎長。

日前江希文表示電郵被黑客入侵,據悉連日更受到不明來歷的電話滋擾。

二人拍拖初期,江希文在微博放有跟胡漢清的旅行相。

在 Facebook經常上載跟女兒的親密相。

十二月十四日下午,江希文帶女兒去養和睇醫生,身邊冇工人。

佔領廚房

江希文被指霸屋,故意在廚房放電腦及雜物,導致無飯開。但個多月前江希文在 fb公開與胡漢清跟前妻所生的一對子女下廚相,相中兩兄妹在廚房吧枱邊歎邊睇電腦,與「佔領廚房」之說有很大出入。

哀求返港

冇人陪產,最後要七十多歲的江母飛英照顧女兒,但就冇搵陪月幫手,因為住得偏遠,江希文入院開刀前,要自己揸兩個鐘車到倫敦生 BB。女兒 Natalie出世後三星期,老豆胡漢清才飛去探兩母女。

「其實 Liz去咗英國後,有人態度開始變,成日發脾氣,飛去睇 BB前, Liz要去買電視機,又揸車去機場接機。英國有法例規定,孕婦生產後六個星期唔准揸車,否則有意外保險唔賠。但 Liz唔想有人唔高興,所以傷口未完全好番都照揸車去機場。」

掛住香港家人,女兒幾個月大時,江希文曾提出返港生活;及至一三年聖誕節,她再次要求返港過節並與爸爸慶祝生日,但都遭反對。

16/12

上月江希文帶女到超市買嘢時悶悶不樂,全職湊女,她出入只揸架連 BB車都放不下的 Mini舊車。

管接管送

去年四月獲准返港後,江希文母女以及胡漢清同住在沙宣道大屋,而男方跟前妻所生的一對子女,則會在週末返回大宅過夜。外界以為江希文母憑女貴,住大屋過闊太生活,實情是她返港前,司機被炒,每日她要揸車接送胡漢清上下班,兩年換四個工人,新請工人又辭職,江希文要負責買餸煮飯湊女,因分身不暇才不用再做司機。據知,胡漢清每月會給女兒生活費,江希文則動用私己錢養自己,平日慳得就慳,冇行頭的她連買餸都揀最平的西營盤街巿。

「 Liz每日三點揸住 Alan架 Audi送佢返工,七點接收工。 Alan一個星期有兩至三晚去鋤大 D,佢先可以有時間返屋企探父母。有時失驚無神電話到要去接佢, Liz又要揸車由汀九飛落中環,遲少少都會捱鬧,所以佢嗰排提心吊膽。」

自爆冇工人

去年 11月,在 fb自爆由英國返港,大部分時間都冇工人用,湊女煮飯要一腳踢。

江希文愛女 Nat Nat已一歲多,但沙宣道大宅的樓梯,卻未有為囡囡加設安全欄。

雖然江希文常在 fb放滿湊女相,但往往只見媽、唔見爸,一家三口合照少之又少。

數月來發現江希文經常返娘家訴苦至夜深,才揸車返沙宣道大宅。

本月初,江希文出席美食節,為爸爸經營的薑糖攤位撐場,據悉江爸支持愛女每一個決定。

去年,一身樸素打扮的江希文被發現到出名夠平的西營盤街市買餸。

(《蘋果日報》圖片)

你有張良計

有人提供江希文與胡的裝修師傅 Ricky的 email、短訊往來,發現去年底,有人找來相熟裝修師傅 Ricky,向江希文報稱沙宣道大宅因發現漏電漏水,須進行拆牆大工程,要母女搬離。事後江希文找來水電工程師檢驗漏水漏電情況,證實問題未如 Ricky所講般嚴重,最後工程不了了之。

江希文証安全

裝修師傅話有事

粗口問候

身邊人性格火爆,江希文受盡粗言「問候」,就連家姐江欣燕想飛英探妹,都諸多

限制。

「 Liz生完幾個月,欣欣想去英國探妹,不過有人就唔想欣欣同佢搭埋一班機,又唔鍾意坐喺佢隔籬,乜都話晒事, Liz因為呢件事嘈得好緊要。」

其實早在江希文第一次見胡母時,已經被提醒,不要任人指揮。但當時在江希文眼中,以為一切都美好。去年九月中,她被推倒受傷睇醫生,她才如夢

初醒。

「 Liz阻止個女玩打火機,點知俾人用粗口鬧,再將佢撞落雲石枱,當時 Liz又痛又驚,事後佢去睇醫生,仲同朋友哭訴。」

無棲身之所

上週爆出分手消息後,有指江希文霸大宅唔肯走,據了解,有人想盡方法逼走兩母女,但因江希文無棲身地方,加上照顧女兒不能工作,零收入的她,只能過得一日得一日。

「試過無端端有裝修師傅揸住鎖匙入屋,話屋企漏電要拆晒主人房啲窗同牆,要佢兩母女搬走,之後 Liz搵食環署驗過,根本冇咁嘅事。佢都想同個女搬去一個安全地方住,但真係冇錢,又未傾掂贍養費,所以走唔到。」

連日來避開傳媒的江希文,上週六(一月十日)駕車到朋友家,本刊在停車場內,問她這些年來是否精神受折磨,江希文忍着淚說:「唔講呢啲嘢。(係咪有人打你?)唔想講。(佢脾氣係咪唔好?)唔想講。(有咩打算?)我暫時唔會做嘢,個女咁細個,我會全力照顧個女。(報導話有俾你六位數字家用?)冇,從來都冇。」入𨋢後,她懇求:「俾啲空間我,我已經好辛苦。(點解你唔搬走?)我唔係霸住佢間屋,我係冇錢搬,如果我有錢會即刻搬。」

江希文以歌手身份出道,有樣有身材的她,亦間中以性感示人。

胡漢清第一任妻子是張天愛,二人九二年結婚,三個月後宣布離婚。

兩段婚姻

跟第二任妻子余慧敏婚姻維持了九年,育有一對子女。

一三年,爆出爭產事件,胡母由加拿大返港開記者會。



鍾意就快D Share啦!
Related Posts Plugin for WordPress, Blogger...