熱爆娛樂: [忽然1周 - 1021] 「藍男婚」變獎門人　祖藍箝實老婆驚會蝕祖藍,王祖藍,李亞男,藍男,MW,

2015年2月19日星期四

[忽然1周 - 1021] 「藍男婚」變獎門人　祖藍箝實老婆驚會蝕祖藍,王祖藍,李亞男,藍男,MW,

媽咪姐

「藍男婚」變獎門人　祖藍箝實老婆驚會蝕

喂喂喂，《獎門人》復活喇！咦，咁幾時播呀？已經偷播咗喇！是咁的，周日（ 15日）係「藍男」喺迪迪尼結婚嘅大日子，獎門人曾志偉地位崇高，負責嚟主持大局。

其他影片：>>男藍終於可以洞房喇！
>>「藍男」童話婚禮變哈囉喂　魯芬張晉最驚嚇
>>志偉爆粗贈嘉樂

為咗搞㷫個場，佢即場安排一班兄弟姊妹團玩《獎門人》經典遊戲「傳紫菜」。錢嘉樂最 so，被安排同亞男個細妹 Joanne「咀嘴」，郭晉安就重口味啲，咀細細粒（陳嘉佳），仲搞到人哋紅都面晒，唔通之前小寶講過自己未拍過拖係真嘅？不過祖藍就醒喇！本來同老婆係對家組，佢 part安仔佢哋，但當見到另一組嘅嘉樂仔咀完 Joanne妹再想咀亞男，佢即時企番老婆隔籬，情願玩多一次傳紫菜，再安排陳美詩企老婆另一邊。 Well，錫亞男嘅機會，梗係不是其他男人

張繼聰似乎真係好驚謝安琪喎！同前兒童節目主持陳佩思咀時，雖然雙手搭實人手臂，但個嘴都保持距離，表現拘謹。

紅都面晒！

咀到開咗竅細細粒主動狼吻祖藍，俾阿 Bob笑佢：「你唔好咁狼死呢個場口好高貴！你究竟幾耐冇掂過男人？」

長居加拿大嘅亞男胞妹「零污染」自然成為眾兄弟「目標」，肥 Bob主動出手剝人件披，狼死程度爆燈。

狙擊亞男妹

錢嘉樂執到支好籌，咀亞男胞妹 Joanne，玩完之後佢仲話：「我好開心。」

今年 19歲嘅亞男胞妹（中）為咗撐家姐都好搏命㗎！超 deep V嘅姊妹裙，事業線同膠紙一併跑出嚟！

紫菜章魚

祖藍唔想嘉樂仔咀自己老婆，所以佢情願咀多次，「犧牲自己」嚟隔開亞男同嘉樂，仲手指指示意老婆留番俾佢喎！

擺 51圍真係唔嘢少，你睇吓 6百幾人，幾大堆頭！

講真，成個婚禮熱鬧真係幾熱鬧嘅，但又真係好似成個《獎門人》搬咗出嚟咁，搞到有份做姊妹又低調開嘅嘉欣 BB，唔多 like，匿埋唔敢玩。媽咪姐教你，向祖藍收番啲騷錢咪得囉！反正佢個婚禮都使咗「幾球」，唔爭在啦。其實祖藍一生人一次做「白馬王子」，搞㷫個場是常識吧！聽聞佢本來諗住開夠 63圍，最後因為有賓客臨時甩底，所以開得 51圍。咪仲好！敬酒都冇咁辛苦，留番氣力生羊 B嘛！呵呵∼