[忽然1周 - 1021] 甘比養和陪睇腳患 大劉情人節繼續霸氣 甘比,劉鑾雄,大劉,MW,

28/1

兩美攙扶

1月 28日，大劉在甘比（左）及劉秀融（右）攙扶之下，到養和醫腳傷。甘比右手更為大劉攞住柺杖，十分細心。

娛樂喧

甘比養和陪睇腳患　大劉情人節繼續霸氣

63歲的大劉（劉鑾雄），因涉及澳門巨貪案，被澳門初級法院判罪成。正在排期上訴的他，黑起上嚟有條路。上月尾，本刊發現大劉秘密入養和治腳患。步出醫院時，他更一度由女友甘比和女兒劉秀融攙扶上車，腳傷似乎唔輕。

其他影片：>>情人節最緊要霸氣　甘比升呢傍實腳傷大劉

平日霸氣十足的大劉，經過半個月治療，腳患好番唔少。一向雄赳赳氣昂昂的他，今年情人節與甘比到福臨門午飯時，見到大批記者在場，寧願慢慢行，都唔用柺杖咁失威，繼續霸氣。

小心上車

記者詢問大劉病情時，他為免觸傷患處，不發一言，繼續專心慢慢行上車。

女兒陪伴

自澳門巨貪案開審，劉秀融多了回港陪伴大劉，當日她更傍實腳傷老竇。

14/2

情人節陪甘比

情人節中午，大劉同甘比及其所生的一對子女，一同到福臨門午膳，一家人過情人節。

當日大劉一個率先步入福臨門，不過受傷患影響，行得比平時慢，但就冇用柺杖。

去年情人節，甘比被發現一個人去銅鑼灣鳩嗚，相比之下，今年有大劉陪，自然開心啦。

《蘋果日報》圖片

劉鑾雄鑾雄 2012年澳門巨貪案開審期間，多次以身體不適及患糖尿病為由缺席聆訊，健康似乎麻麻。

上月 28日，本刊發現大劉在女友甘比及女兒劉秀融陪同之下，去養和睇醫生。離開時，愛女劉秀融及女友甘比更要做大劉的人肉柺杖，夾實他上車。記者上前詢問大劉病情，他耷低頭上車，未有回應。

「其實當日中午，大劉到富豪飯堂食飯時，行路已經趷吓趷吓，還不時按住右腳，要由同行嘅女兒同女友甘比扶住落樓梯。之後佢兩個陪大劉睇醫生後，雖然準備咗柺杖，但大劉都唔用。」知情者說。

甘比拖慢腳步

早前大劉因傷未有到澳門出庭，就叫咗女友呂麗君出席旁聽。

今年情人節，大劉與甘比及一對子女齊齊到福臨門午膳。可能見大批記者在門口採訪，上兩周被影到要用柺杖及需由甘比扶住的大劉，突然痊癒神速，棄用柺杖自己行，雖然行得緩慢，但依然霸氣十足。而拖住秀樺的甘比亦好識做，刻意拖慢腳步，讓大劉行先。

巨貪案未了，有傳港澳的「引渡協議」即將生效。換言之，大劉將有機會被引渡去澳門。在這個非常時期，大劉兩名紅顏知己甘比及呂麗君亦盡量抽時間陪大劉，為他分憂。「甘比近月嚟已好少出席活動，連朋友都少見。好似月頭佢去朋友生日 party，都只係去咗十分鐘，放低份禮物就話要趕住返屋企。」

至於大劉與前妻寶詠琴的幼女劉秀融，一直是大劉的掌上明珠。在紐約讀畢心理學碩士的她，由去年九月「巨貪案」開審後，亦頻頻回港陪伴父親。「秀融近年喺紐約大都會美術博物館做嘢，成日巴黎、紐約兩邊飛揀藝術品。但自從大劉有官司，加上身體麻麻之後，秀融都盡量抽時間留喺香港。」雖然大劉受到腳病困擾，但有女兒咁愛錫，應該甜在心！

鳩嗚使 83億

大劉向來出手闊綽，最近三個月更動作多多，去年底先以 76億購入尖沙嘴商場 The ONE，又豪花 7億幾買巨鑽及豪宅。

回購山頂屋

今年一月底，劉鑾雄購入位於山頂白加道的獨立屋，作價 4億 2千萬，平均呎價高達 12萬幾，僅次於「天比高」。

3億投巨鑽

去年 12月，大劉在蘇富比及佳士得兩大拍賣所，分別以 2.5億及 6,500多萬投得巨型藍鑽及紅寶石，並以與呂麗君所生的女兒劉秀盈英文名 Zoe，命名為 The Zoe Diamond（圖）及 Zoe Red。

私有化 The ONE

劉鑾雄去年以私人形式，作價 76億幾，向旗下的華置購入尖沙嘴商廈 The ONE，將其私有化。

鍾意就快D Share啦！

下一篇 》