2015年2月5日 星期四

[壹週刊 - 1300] 剩女救星 余文樂 余文樂,M1,




同你吟一吟

剩女救星 余文樂

拜金廖碧兒當年騎住陳豪,同小小超李澤楷表弟林宗豪行埋,結果搞到事業感情雙失,反而前度陳豪老婆陳茵媺啤完一個又一個;仲有,俾佢嫌冇出息嘅前前度劉愷威,亦响內地搵長錢,娶埋祖國花旦楊冪做老婆。

圈中仲有個男版廖碧兒,只要同佢拍拖分手,就一定嫁得出!此君正是余文樂。

舊年同樂仔拍拖半年就散嘅 Kary吳雨霏,上月底喺網上 po咗佢同青梅竹馬、三分三合男友洪立熙嘅婚照,原來上月中 Brian喺意大利求婚成功,之後去咗美國註冊,七月香港擺酒。

除咗 Kary,同樂仔拍拖差不多六年嘅黃伊汶,舊年十月亦同小龍陳國坤喺峇里行咗禮;仲有仲有,仲有 N年前嘅盧巧音,前年都嫁咗俾樂隊 Kolor主音 Sammy。余文樂舊愛,全部做咗人妻,反而佢自己就冇着落。

有樂仔點燈,剩女放心!廖碧兒,諗諗佢好喎。

上星期五,黃伊汶同老公拍拖去圓方睇《鳥人》,入場前買熱狗醫肚,小龍幫老婆唧熱狗醬,好細心。

鍾意拖住一個,諗住之前嗰個嘅余文樂,同 Kary分手之後食散餐,早排佢揸車同一男一女,喺中環元創方 hea咗廿分鐘,跟住一支公揸車走。

33歲嫁

小龍求婚四次,黃伊汶去年十月終於喺峇里行禮做陳太。

38歲嫁

同樂仔分手超過十年嘅盧巧音,一三年亦嫁咗俾 Kolor主音 Sammy。

28歲嫁

上月底, Kary同男友 Brian美國註冊後, po相上網自爆喜訊。

鍾意就快D Share啦!