2015年2月5日 星期四

[壹週刊 - 1300] 洪永城殺敗馬國明 唐詩詠:情人節 OK 唐詩詠,馬國明,洪永城,M1,




探熱針

洪永城殺敗馬國明 唐詩詠:情人節 OK

唐詩詠跟糾纏多年的崔建邦分分合合後,去年八月被目睹跟洪永城赤柱遊車河,男方事後擺明冧爆對方,不過唐詩詠未有表態;日前洪永城在活動再公開 like爆,並預告約會過情人節。

洪永城高調出招,原因是早前馬國明被發現帶唐詩詠睇車撐枱腳,情敵擺明挑機,追足對方一年的他唯有加快插旗。雖然馬國明有公開還招,但洪永城誠意十足;對於情人節之約,唐詩詠笑晒表示 OK。

日日短訊

已經三十三歲的唐詩詠,恢復單身後一直未有穩定對象,○九年拍電視劇《鐵馬尋橋》後,經常被拍到和馬國明行街食飯,不過二人強調是劇集兄妹關係的延續,彼此只是「好兄妹」。

到去年初,唐詩詠與洪永城合作《載得有情人》,對方不單自爆入行前已視唐詩詠為女神,開劇不久,已經咬住唔放,短訊追求。去年八月,二人到赤柱遊車河,斷正!

「佢哋第一次合作,洪永城已經成日喺其他人面前讚 Natalie(唐詩詠)好女仔,私底下又日日同佢 WhatsApp;當時 Natalie都有意思,但之後大家都各有各開工,洪永城又返咗大陸四個月拍《張保仔》,咁耐以來佢哋只係食過幾次飯,相處了解機會好少。」知情者說。

馬明被 K.O.

《載得有情人》有一場咀嘴戲,洪永城已經好肉緊。

拍《載得有情人》時,洪永城已經在微博晒合照,又指二人好有緣。

去年唐詩詠引入台灣洪瑞珍三文治,雖然只賣七日,洪永城亦有放微博幫手賣廣告。

在《載得有情人》宣傳活動上,洪永城扮 cute氹唐詩詠。

13年,馬明跟唐詩詠被拍到在林子善開的餐廳食飯。

崔建邦去年被踢爆跟十八歲𡃁模陳嘉莉拍拖同居,與前度真正劃清界線。

唐詩詠跟馬明合作《鐵馬尋橋》後開始熟落,並經常傳出緋聞。

公開插旗

上星期二(一月二十七日),洪永城突然在一個啤酒活動爆響口示愛,公告全世界他正在追求唐詩詠。

「佢(洪永城)差不多用咗一年時間去追人,但 Natalie個人比較慢熱,加上唔係咁易就到時間約會,見到 Natalie同馬國明去街,佢咁緊張即刻做嘢,都係要俾對方知道,呢個係佢嘅人。」

2/2 6:30pm

唐詩詠回應洪永城情人節之約,甜到漏表示 OK。

洪永城向來大膽,在 now拍旅遊特輯時,曾經在節目中全裸扮畢加索名畫造型。

洪永城跟黃翠如合作旅遊特輯有默契,更一度傳出二人拍拖。

去年跟洪永城拍完《載得有情人》,唐詩詠接住拍《大藥坊》,二人少有時間見面。

洪永城代替因病辭演《張保仔》的黃浩然做男一,在內地開工開足四個月。

馬明還擊

洪永城公開抗情敵,馬明立刻有反應;在活動上代「妹」回應情人節邀約。

「其實佢(洪永城)咁都好主動,但阿妹(唐詩詠)係咪會應約先?可能阿妹唔應約呢!我哋可能會約阿妹食飯㗎!」馬國明出口術。

兩男爭一女,招來招往。本週一(二月二日)晚,唐詩詠離開寓所外出,對洪永城力追一年,春風滿面的她未有否認。

「多謝關心, thank you。(馬國明都追緊你?)唔係,唔係。(洪永城大機會啲?)多謝關心, thank you。(係咪一齊過情人節?)唔……我希望我嘅情人節……多謝關心。 OK嘅。」唐詩詠一句 OK,洪永城有景!

一拍即合

拍劇,連續幾個月,日對夜對,男女藝人代入角色,特別容易將一段假情發展成為真愛,變成一拍即合的急速煲。

楊怡 羅仲謙

11年, 31歲的楊怡跟細自己五年的羅仲謙首次合作《 On Call 36小時》,即撻着!男方經常到女方家過夜,甚至被拍到疑似「車震」,近年二人已大方承認拖友關係,更屢傳婚訊。

黃翠如 蕭正楠

蕭正楠跟黃翠如去年合作《師奶 Madam》擦出火,其後黃翠如被圍插做小三,介入蕭正楠跟何傲芝三年戀情,自言難得「遇到咁純嘅女仔」的蕭正楠,立即撲出嚟,還黃翠如清白,對這段剛萌芽的戀情,十分保護。

鍾意就快D Share啦!