外太空
胸中霸王小嶋陽菜 全裸開房
有行過 Peach John買胸圍嗎？有陪過女朋友去 Peach John睇胸圍嗎？我有。尷尬情況下，我通常選擇拎起本宣傳小冊子逐頁揭，咁你就一定見過代言人小嶋陽菜的內衣照。
被譽為全日本第一美胸，推出寫真集《怎麼辦？》。賣胸之外，賣埋屁股賣埋腿，仲要運用方法演技示範開房。還值得製成印刷品的，可能只有這些照片。
寫真集的尾幾頁，小嶋陽菜模擬一次在酒店房有什麼好做。除褸、除鞋、除 bra囉，其實，有乜咁好睇喎。
太色情？
身為 AKB48成員，萬千少年的偶像，在寫真集中，泳衣，少事啦；內衣，閒事啦，入酒店房全裸扮幽會至算係少少賣點。有家長抨擊小嶋陽菜販賣色情，敗壞社會風氣。
唔係賣色情，唔通賣知識？
坐擁 D cup身材，成本寫真集，被形容為 AV片封面一樣咁誘人。做得好吖，雖然去到洛杉磯取景，但大家不會當一本旅遊天書欣賞的。話晒都已經 26歲， AKB48入面最大年紀，睇住以前的姊妹一係退隊，一係紅唔起的話去賣身都有風險俾狗仔隊放蛇偷拍，再唔係就要轉行拍 AV，小嶋陽菜在去年的 AKB48總選舉，只列第八，仲唔搏命，坐低等死咩？
唔肯畢業
去年，大島優子一從 AKB48畢業，即推出寫真集《脫了吧》，剝光游泳。有運行，可以同宮澤理惠拍文藝片《紙之月》，又有份同草剛拍高收視劇集《錢的戰爭》。
小嶋陽菜更勁，未畢業，已經全裸，畢業後，相信可以露點。鬼叫拍劇唔爭氣，自從 12年跟木村拓哉拍過《 Priceless無價人生》後，無晒影，然後，開始有傳小嶋陽菜出完呢本寫真，都係時候畢業，前田敦子、大島優子、秋元才加、篠田麻裡子，板野友美都離開了，難怪小嶋陽菜會俾新人話係老太婆。去年的紅白，講到小嶋陽菜會趁機宣布退隊，結果，無。有點似大婆與小三的關係，你愈想我走，我愈要留低。
前田敦子堅爆房
小嶋陽菜扮開房，前一姐前田敦子已經唔使齋出寫真，升級喺參展文藝片做主角，不過，都係要開房。
新片《歌舞伎町 24小時時鐘酒店》，前田敦子扮演歌星仔，為求上位，不惜向音樂監製獻身，揀間 Love Hotel爆房，係要揀正男朋友做店長嗰間。
男主角染谷將太近年爆紅， 11年憑《庸才》成為威尼斯電影節最佳新人後，拍到最佳電影《永遠的 0》，然後《戀上春樹》、《東京暴族》、《寄生獸》一套接一套，年底仲有改編《死亡筆記》作者另一本漫畫的《爆漫》面世，唔係做主角，反而做天才漫畫家新妻。更厲害係得 22歲但娶到 34歲入過荷李活的菊地凜子做老婆，級數高過前田敦子多多聲。《歌舞伎町 24小時時鐘酒店》其實係講佢如何碰上離奇古怪嘅爆房客人，好鬼文藝。講身材，前田敦子唔算最勁；講際遇，贏晒。
|
鍾意就快D Share啦！
|
|
|