網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年4月2日 星期四

《歌手》總導演怒插宇宙 G.E.M.:「唔換歌就換人!」 [壹週刊 - 1308] G.E.M.,G.E.M,鄧紫棋,M1,



首新歌都有×叫㗎!(設計對白)

探熱針

《歌手》總導演怒插宇宙 G.E.M.:「唔換歌就換人!」

自以為紅到上宇宙的「宇宙巨 G.E.M.」鄧紫棋,耍大牌情況一日比一日嚴重,忘本睇唔起香港市場細,就算上台灣阿姐阿哥小 S(徐熙娣)同蔡康永的節目《康熙來了》,都要擺款,結果被小 S當場寸到冇聲出,𤓓爆宇宙。

小小打擊,絕冇嚇窒宇宙 G.E.M.,連俾錢佢賺,一手將她捧紅的大陸《我是歌手》節目,一樣唔俾面。今個星期五(四月三日),宇宙 G.E.M.將會回歸《我是歌手》同第三輯歌王韓紅等人同台演出,但霸氣的她唔理節目組反對堅持唱新歌,結果辣㷫總導演,講到明:唔換歌,就換人!

紅爆囂爆

靠《我是歌手 2》爆紅後, G.E.M.更加不可一世,四圍燃起火頭。最新災區,竟然是一手將她捧起,助長「宇宙巨 G.E.M.」的節目《我是歌手》。

四月三日, G.E.M.原定要到湖南出席《我是歌手雙年巔峰會》節目,聯同韓紅、胡彥斌、韓磊及周筆暢等歌手一齊表演×叫。為宣傳自己的新歌, G.E.M.方面要求當晚演唱剛發表的《單行的軌道》,但該節目向來主張唱舊歌或重新編曲,就算唱自己歌也要經過改編加入新元素, G.E.M.要唱一首全新歌,是打破常規,節目組一早已表態反對,但 G.E.M.卻堅持。

「其實節目組嗰邊同 G.E.M.解釋得好清楚,點解唔俾唱新歌,因為如果佢開咗先例,其他歌手都話要唱新歌,就會影響節目風格同觀眾反應;點知 G.E.M.嗰邊仲要大番人哋轉頭,話佢上中央台春晚咁大個台咁大嘅節目,都俾佢唱一首全新歌《多遠都要在一起》,無理由湖南衞視唔俾囉!」一名電視台幕後人說。

《歌手》總導演洪濤,去年親自揀選 G.E.M.參賽,如今見到佢一紅即囂都相當勞氣,忍唔住要在微博發火。

忘恩負義

G.E.M.企硬,電視台方面軟硬兼施,依然無法令她軟化,結果搞到《我是歌手》總導演洪濤發晒火,星期一(三月三十日)晚在微博隱名怒轟 G.E.M.:「你不換歌,我們換人!晚安!」

據知,湖南衞視方面覺得 G.E.M.忘恩負義,試過之前邀請她上其他節目,已要求多多,大牌程度,比韓紅有過之而無不及。有指電視台方面亦作好換人打算,其他歌手已有當晚節目流程在手,亦獲分派好 fans位,唯獨 G.E.M.一方仍未獲得任何通知。

今年央視春節晚會, G.E.M.有份演出,仲可以唱埋新歌,認真巴閉。

G.E.M.的經理人張丹,同樣出名要求多多,兩個是最佳拍檔。

原本 G.E.M.與同屆歌王韓磊一齊,與今屆《歌手》韓紅、胡彥斌等人一起演出,但現在隨時被飛。

自己丟架

事實上,宇宙 G.E.M.唱新歌的霸道做法並不是第一次,早前她到台灣錄影《康熙來了》,講好會唱成名歌《泡沫》,但臨錄影前,她突然要唱新歌《多遠都要在一起》,其時工作人員曾解釋所有歌手都不可以唱新歌,也不許在節目宣傳新歌,否則,電視台可能會被罰錢。

點知 G.E.M.經理人張丹竟然口出狂言:「如果要罰錢,我哋全數負責。」雙方爭拗近一個鐘, G.E.M.才肯妥協,但目睹整個過程的小 S,就在節目錄影途中不停狂寸宇宙 G.E.M.,搞到她尷尬又無癮,攞嚟衰。

頻頻做巡迴的宇宙 G.E.M.,早前難得「經過」香港,專登去睇中醫調理身體。

早前 G.E.M.上台灣節目《康熙來了》,因為扮大牌搞到俾主持人小 S狂寸。

G.E.M.即場邀請小 S第二日去睇佢個演唱會,點知俾小 S話,沒有人咁遲先邀請人去睇演唱會㗎,寸 G.E.M.冇誠意。

上星期《歌手》隊友茜拉來港宣傳, G.E.M.約了對方到黃金海岸 high tea。

耍大牌

後生又唱得的鄧紫棋( G.E.M.),去年憑《我是歌手 2》在內地爆紅後,氣燄囂張變本加厲,因為得罪人多,搞到是非不斷。

玩謝台灣傳媒

早前在台灣開 show,被安排接受當地傳媒訪問,宇宙 G.E.M.即擺款,聲稱要養聲腰斬採訪,但其後又與好姊妹何超蓮去食麻辣火鍋。

得罪港媒

去年為巡迴演唱會香港站舉行記招, G.E.M.方面硬要在場紙媒和電子傳媒一同做訪問,經理人張丹更囂張說:「如果不配合,記招要取消。」惹得各大傳媒不滿,攞袋走。

自私自利

今年初, G.E.M.舉行香港站演唱會除不設傳媒訪問,只安排頭 30分鐘拍攝時間,有記者在場外採訪亦被保安驅趕,為硬 sell官方手帶,觀眾更被禁止自備熒光棒入場。

連環遲大到

去年於新城頒獎禮, G.E.M.冇新歌都連攞四獎,大會更刻意拉長節目時間等候 G.E.M.現身,令安仔等到凌晨 12點半才能上台演出,其後的慶功宴 G.E.M.為與 fans影合照派曲奇,又再遲多 45分鐘,引起一眾歌手不滿。

造蠟像被投訴

粒粒巨星的山頂杜莎夫人蠟像館去年邀請 G.E.M.製作蠟像,被網民發起一人一信投訴,指她「憑什麼!」

排舞師永不合作

因錢銀瓜葛, G.E.M.與星級排舞師 High King反目,對方更講明與她「永不合作,人紅咗,成個人變晒!」

睇唔過眼

氣燄得罪傳媒外,就連一班前輩歌手亦對她睇唔過眼,肥媽寸她小動作多多「搏宣傳」,葉麗儀暗寸她破壞規矩,強調「我們資深藝人不會這樣做」,夏韶聲則指她不懂飲水思源「上咗位忘記冇下面的人上唔到去」,而汪明荃更有骨落地,以「『經過』香港,就嚟我哋《靚聲王》」來邀請宇宙 G.E.M.上節目。

鍾意就快D Share啦!